Ferða-og skemmtinefnd býður uppá "kynjareið" föstudaginn 13 maí (vonandi ekki óhappadagur......)   Lagt af stað frá hesthúsahverfinu kl. 18:00  og- endað í félagshúsi um kl. 20:00 þar sem boðið verður uppá hamborgara og með því. (ekki áfengir drykkir) .  Allir Sótafélagar velkomnir!  (ath að þátttakendur þurfa að treysta sér í hópreið þar sem riðið verður bæði hægt og hratt- fín æfing fyrir Löngufjörur).  Muna að taka með góða skapið - bara stuð .   Hlökkum til að sjá ykkur! 

 Skráning er hafin á hið rómaða og vinalega Álftanesmót í hestaíþróttum sem fer fram helgina 14-15 maí.

Keppt verður í eftirfarandi greinum:
· 1 flokkur: Tölt T3, Tölt T4, Fjórgangur V2, Fimmgangur F2.
· 2 flokkur: Tölt T3, Tölt T4, Tölt T7, Fjórgangur V2, Fimmgangur F2
· Ungmenni: Tölt T3, Tölt T7, Fjórgangur V2, Fimmgangur F2.
· Unglingar: Tölt T3, Tölt T7, Fjórgangur V2 og Fjórgangur V5
· Börn: Tölt T7, Fjórgangur V2.

Skráningargjöld eru eftirfarandi: Skráningu lýkur á miðnætti 10 maí.
- Börn-unglingar-ungmenni: 4000 kr.
- 2. flokkur, 1. Flokkur: 5000 kr

Verið hjartanlega velkomin á Álftanes - sveit í borg! 

Viðburður á Facebook hér

Firmakeppni Sóta fór fram í logninu á Álftanesi í dag, laugardaginn 30.april.  Að þessu sinni bauð mótanefnd uppá flokkaskiptingu í minna og meira vanir til að hvetja minna keppnisvana að spreyta sig á jafnréttisgrundvelli.  Þrátt fyrir litla skráningu í minna vönum gekk mótið vel og fín þáttaka í meira vönum.  Brynja Þorgeirs sló í gegn sem þulur og Gulli vöfflusnillingur bauð uppá ljúffengar vöfflur .  Óli Pétur dómari gaf sína vinnu til styrktar unglingastarfi í Sóta.  Vel gert og takk fyrir allir! 

Úrslit urðu þannig: 

Kynning á mjög spennandi sumarferð á Löngufjörur (4-6 júní) verður n.k. laugardag, 30 april kl. 16:00 (eftir firmakeppnina)

Við þökkum einnig fyrir góða þátttöku í skoðanakönnunni sem við gerðum um daginn - greinilega margir spenntir fyrir ferðinni!

Mótanefnd mun bjóða uppá vöfflukaffi eftir firmakeppnina þ.e.a.s. á meðan við bíðum eftir kynningarfundinum.  Tilvalið tækifæri að spjalla og skipuleggja. 

Kveðja frá ferða- og skemmtinefnd

Firmakeppni Sóta  verður haldin laugardaginn 30 apríl kl 14.

Keppt verður í eftirtöldum flokkum:
Pollar teymdir eða ríðandi -  9 ára og yngri
17 ára og yngri - minna keppnisvanir
17 ára og yngri - meira keppnisvanir
18 ára og eldri - minna keppnisvanir
18 ára og eldri - meira keppnisvanir

Stjórn Sóta auglýsir eftir félagsmönnum sem vilja sýna sína eigin ræktun á Dymbilvikusýningu Spretts,  miðvikudaginn 13. april.  Að venju verður keppni milli félagann á Suðvestur horninu og það væri gaman ef Sóti væri með.  Áhugasamir hafi samband sem allra fyrst við Jörund formann í s.: 898-2088
Meiri upplýsingar um sýninguna - sjá hér

Stjórn LH er á fundarferð um landið þessar vikurnar til að hitta stjórnir hestamannafélaganna og spjalla um þau mál sem eru í efst á baugi. Fundurinn með hestamannafélögum á höfuðborgarsvæðinu var haldin í gærkvöldi, mánudaginn 28 mars. Þar var rætt um fyrirkomulag dómgæslu, aðkomu LH að keppnum og hvernig unnt sé að auka aðkomu félaga að ahugamannakeppnum. Að  hestaíþróttir verði raunverulegur valmöguleiki fyrir börn og unglinga. Styrkjamál s.s. æskulýðsstyrk og möguleika á styrkjum frá ÍSÍ fyrir þjalfara og iðkendur. Reiðvegamál ofl.

(Takk Þorsteinn fyrir frétt og myndir)

Strax eftir vetrarleika 3 fór fram sýning / keppni meðal folalda í eigu félagsmanna Sóta. 3 hestfolöld og 4 merfolöld mættu til leiks og voru hvert öðru glæsilegra svo dómurum þótti erfitt að gera uppá milli.  Sýningin fór fram í Celíus höllinni og komu folöldin beint úr kerrunni - inn í stóra gerði og svo beint í höllina.  Ævar Örn og Sigurgísli röðuðu folöldunum í sæti og áhorfendur völdu svo glæsilegsta folald sýningarinnar en Blíður frá Breiðholti hlaut þann heiður - einróma!  Celcíus bræðurnir, Magnús og Gunnar og Högni Gunnars gáfu verðlaunin.  Að lokum var folatollur undir Kolgrím frá Breiðholti (sem ofantaldir gáfu) boðin upp og rann allur ágóði til Sóta.  Það endaði með því að uppboðshaldArinn (Ari) bauð best og hreppti tollinn.  Takk fyrir skemmtilegan dag! 

Úrslit urðu þannig: 

Þriðju vetrarleikar Sóta 2022 - Þrígangur fóru fram í Celcius höllinni í dag, laugardaginn 19 mars.   Stefnt hafði verið á að halda leikana út á vellinum en vegna veðurs og vallarskilyrða var ákveðið að færa mótið inn og tókst það vonum framar.  Keppt var í tveimur flokkum, 17 ára og yngri og 18 ára og eldri.  Dómari var Ævar Örn og "Celcius" bræðurnir , Magnús og Gunnar, og Exploring Iceland gáfu verðlaunin.  Skemmtilegur dagur hjá Sóta! 

Úrslit urðu þannig: