Blog Archives - Hestamannafélagið Sóti

Sótafélagar duglegir á reiðnámskeiðum

2/23/2021

Það má með sanni segja að reiðhöllin hafi sett sitt mark á félagsstarfið í vetur en nánast allir eru skráðir á einhvers konar reiðnámskeið. 17 knapar eru á knapamerkjanámskeiðum, 8 á reiðnámskeiði hjá Trausta Þór og 16 hjá Atla Guðmunds. Það er mikill fjöldi í litlu félagi! Ljóst er að reiðhöllin hefur gjörbreytt kennslumálum hja Sóta og mun án efa gera okkur öll að betri reiðmönnum. Áfram Sóti!
Sjá frétt á síðunni hjá Trausta: https://www.trausti.org/

Góð þátttaka í konudagsreið

2/23/2021

Það voru alls 14 konur á öllum aldri sem tóku þátt í konudagsreið ferða og skemmtinefndar á konudaginn 21 febrúar eða næstum allar konur í hverfinu! Þrátt fyrir nokkur óhöpp þá vonum við að konur hafi skemmt sér almennt vel en formaður vor tók t.d. á móti okkur á leiðinni með söng, karlpeningurinn í nefndinni bauð okkur velkomnar og stóð fyrir glæsilegum veitingum og síðast en ekki síst kenndi Soffía okkur línudans í reiðhöllinni! Takk allir fyrir skemmtilegan dag - myndir á FB grúbbu Sóta. (mynd hér: Kristján Kristjánsson)

Dagskrá og ráslistar

2/19/2021

Dagskrá og ráslistar fyrir Vetrarleika 1
Keppni byrjar kl; 13:00 og fer fram í reiðhöll Sóta.
Keppt er í tölti T7.
Einungis er riðin forkeppni og verðlauna afhending fyrir hvern flokk fyrir sig fer fram að lokinni keppni í hverjum flokki.

Dagskrá:
Pollaflokkur
Unglingaflokkur
Karlaflokkur
Kvennaflokkur

Ráslistar:

Konudagsreið

2/19/2021

Sunnudaginn n.k. 21. febrúar, þ.e.a.s á konudaginn býður ferða- og skemmtinefnd uppá konudagsreið fyrir allar konur í Sóta. Riðið verður rólega, stuttan hring þar sem markmiðið er að njóta fremur en að þjóta. Svo er aldrei að vita nema karlpeningurinn verði með óvæntar uppákomur! Við viljum sérstaklega hvetja nýjar Sóta konur til að mæta.

Mæting er kl. 14:00 við nýju reiðhöllina okkar. Gaman ef knapar eða hross gætu skartað einhverju rauðu með svörtu (Sóta litirnir) - engin skylda!

Karlar eru hvattir til að mæta líka – í klappliðið - eða fara saman í karlareið.
Sjáumst hress
Ferða-og skemmtinefnd

Vetrarleikar 1 - 20 feb

2/19/2021

Vetrarleikar 1 - Tölt T7 fer fram í reiðhöll Sóta n.k. laugardag og hefst kl 13:00.
Völlurinn verður afmarkaður á morgun þannig að knapar geta farið og tekið æfingu fyrir mótið. Einnig verður brautin þjöppuð og undirbúin eins vel og hægt er.
Ráslista má sjá á LH Kappa!
Bestu kveðjur frá mótanefnd

Reiðnámskeið með Atla Guðmunds

2/16/2021

Vegna mikils áhuga á reiðnámskeiðum býður fræðslunefnd uppá annað námskeið – opið fyrir alla skuldlausa Sóta félaga

Reiðkennari: Atli Guðmundsson. Tímarnir eru sniðnir að þörfum hvers og eins og eru fyrir alla knapa, allt frá byrjendum uppí keppnisfólk. Hver tími er 30 mín einkakennsla. Kennt verður í Sóta höllinni á fimmtudögum frá ca kl. 15:30 – 18:00 (fer eftir hver margir skrá sig og hvaða tími hentar) í 6 skipti. Verð fyrir 6 skipti er 30.000.-

Stefnt er á að fyrsti tíminn verði fimmtudaginn 25 febrúar

Hægt er að skrá sig á viðburðinn „Reiðnámskeið með Atla Guðmunds“ eða hafa samband við einhvern í fræðslunefndinni.

Vetrarleikar 1 - Tölt T7

2/15/2021

Fyrstu vetrarleikar Sóta fara fram laugardaginn 20. febrúar n.k. og hefst keppni kl 13:00.
Stefnt er að því að halda mótið í reiðhöll Sóta ef aðstæður leyfa.
Búið er að opna fyrir skráningar í Sportfeng og er síðasti skráningardagur miðvikudagurinn 17. febrúar.

Keppt verður í eftirfarandi flokkum:

Fyrstu vetrarleikarnir verða 20 febrúar

2/10/2021

Tilkynning frá mótanefnd Sóta!
Vetrarleikar 1 sem áttu að vera þann 13. febrúar n.k. samkv. dagskrá hafa verið færðir til 20. febrúar vegna reiðnámskeiðs Trausta Þórs.
Nánari dagskrá fyrir Vetrarleika 1 auglýst síðar.

Meistaradeildin T2 í Sótaheimilinu

2/10/2021

Á fimmtudagskvöldið (11/2) ætlum við að koma saman og horfa á keppni í meistaradeild hestaíþrótta! Við munum hittast í félagsheimilinu okkar, keppnin byrjar kl 20:05 og keppt verður í slaktaumatölti. Engar veitingar verða á vegum félagsins en þeir sem vilja mega koma með nesti með sér. Hittumst hress og í stuði á fimmtudag!
Kveðja frá Ferða og skemmtinefnd

p.s. MUNA; að vera með grímu - hámark 20 manns

Dagskrá mótanefndar 2021

2/5/2021

Mótanefnd Sóta fundaði laugardaginn 30. janúar s.l. og setti saman dagskrá fyrir veturinn.
Dagskrá mótanefndar veturinn 2021:
13. febrúar - Vetrarleikar 1 – Tölt T7
6. mars – Vetrarleikar 2 – Smali
3. apríl – Vetrarleikar 3 – Þrígangur
24. apríl – Firmakeppni
1. maí – Íþróttamót Sóta
15. maí – Gæðingakeppni Sóta
Vetrarleikarnir ganga út á að safna stigum úr öllum þrem mótunum.
Veitt verða stig fyrir 1-5 sæti
Í lok Vetrarleika 3 verður stigahæsti knapi úr hverjum flokki verðlaunaður.
Öll mót verða auglýst sérstaklega þegar nær dregur.