Blog Archives

Knapamerki hjá Spretti

9/21/2023

Bókleg knapamerkjakennsla haustið 2023

Bókleg knapamerki verða kennd í október/nóvember (ef næg þátttaka fæst) og lýkur námskeiðunum með skriflegum prófum í haust.
Námskeiðið er opið öllum þeim er hafa áhuga á að ljúka bóklegu námi í haust. Knapamerkjabækurnar fást t.d. í Líflandi, Ástund og hjá Hólaskóla. Sum bókasöfn eiga einnig eintök (ATH Nýjustu bækurnar eru allar gormabækur). Kennari bóklegra knapamerkja er Sigrún Sigurðardóttir reiðkennari.

0 Comments

Sótafélagar velkomnir á frumtamninganámskeið

9/21/2023

0 Comments

Róbert Petersen reiðkennari verður með vinsælu frumtamningarnámskeiðin sín í Spretti í haust. Námskeiðið hefst mánudaginn 2.október 2023 og er fyrsti tíminn bóklegur tími á 2.hæð Samskipahallarinnar, þar sem allir hóparnir mæta á sama tíma kl.18:00.

Verklegir tímar hefjast svo þriðjudaginn 3.október og þá kemur hver þátttakandi með sitt trippi. Í boði verða tímasetningar kl.17-18, 18-19, 19-20 og 20-21.
ATH! Tvö laus pláss eftir í hópinn kl.17-18, eitt laust pláss í hópinn kl.18-19. Fullt er í hópinn kl.19-20. Laus pláss í hópinn kl.20-21.

0 Comments

Vel gert!

9/20/2023

0 Comments

Eins og Sótafélagar hafa eflaust tekið eftir er búið að setja upp gangbraut með hraðahindrun yfir Suðurnesveg við hesthúsin. Auk þess fullt af skiltum sem vara ökumenn við hestaumferð. Vonandi verður þetta til þess að ökumenn hægja á sér við hesthúsahverfið. Umferðin hefur verið alltof hröð undanfarin ár og gott að geta nú farið öruggur yfir veginn á gangbraut.

Munum einnig eftir endurskinsvestunum í vetur!

Jibbý - vel gert!

0 Comments

Kúst og fæjó

9/16/2023

0 Comments

Það er greinilegt að Sóta félagar nýta haustið í að þrífa, þvo og breyta í hesthúsinu enda flest hross komin í haustbeitina. Vefstjóri rakst á nokkra á dögunum og smellti í mynd. Það verður gaman að taka á hús í nýþrifnu og/eða breyttu húsi ilmandi af sápulykt.

Mig vantar kúst og fæjó
Verð að taka soldið til
Í kvöld er "hestó"
Og hreint ég hafa vil

(texti úr laginu kúst og fæjó með Heimilistónum, saumó breytt í hestó)

0 Comments

Búið að opna í Bessastaðanes

9/12/2023

0 Comments

Skv. Jörundi formanni er búið að opna í haustbeitina í Bessastaðanesi. Einar Þór mun hafa umsjón fyrir hönd stjórnar svo vinsamlega látið hann vita hvenær og hve margir hestar fara frá ykkur í nesið. Einar s: 860-7008. Það er einungis hægt að fara með hrossin í gegnum hlið við Skansinn en Einar mun gefa ykkur upp númerið þegar þið tékkið inn. Hann þarf einnig að láta Lögregluna á Bessastöðum vita. Ath að sama verð er fyrir allt tímabilið, þ.e.a.s. sama á hvað tíma þið hleypið inn, svo því fyrr, því ódýrara. Beitin er frábær í nesinu - hrossin ykkar munu njóta frísins í bakgarði forsetans.

0 Comments

"Fótbolti er stórhættuleg íþrótt"

9/3/2023

0 Comments

Sótaspjallið heldur nú áfram eftir sumarlangt hlé en mæðgurnar Elfur og Vigdís skoruðu síðast á Harald og Ólafíu. Þau feðgin eru miklir ferðagarpar og hafa verið Sóta félagar síðan elstu menn muna!

Sp. Hvaða hesta verður þú með á húsi næsta vetur?
Sv: Ég, Halli, tek Flóru frá Sauðárkróki og Ólafía er að spá í Vígar frá Vatni eða Gauta frá Höskuldsstöðum.

0 Comments

Knapamerki hjá Spretti

Sótafélagar velkomnir á frumtamninganámskeið

Vel gert!

Kúst og fæjó

Búið að opna í Bessastaðanes

"Fótbolti er stórhættuleg íþrótt"

Sóti

Eldri fréttir