Fákar og Fjör

Reiðskóli Sifjar og Karenar í samstarfi við Hestamannafélagið Sóta í sumar.
Stjórn Hestamannafélagsins Sóta hefur skrifað undir samstarfssamning við rekstraraðila  sem hafa unnið við reiðskóla hér á Álftanesi s.l. 7 ár

Þetta eru þær Karen Emilía Barrysdóttir Woodrow og Sif Jónsdóttir sem munu reka reiðskóla á svæði félagsins í sumar í samstarfi við Hestamannafélagið Sóta

Í 10 ár hafa Sif og Karen starfrækt hestaíþróttaklúbb á höfuðborgarsvæðinu  þar sem aðalmarkmið er að gefa börnum og unglingum tækifæri til að kynnast og stunda hestamennsku á ársgrundvelli og auðvelda börnum án aðstandenda í hestamennsku að stunda íþróttina.

Sif og Karen hafa áralanga reynslu af starfi með börnum og ungmennum. Þær eru báðar menntaðir reiðkennarar, auk þess starfar Sif sem barnasálfræðingur og Karen sem framhaldsskólakennari.
Hestamannafélagið Sóti fagnar þessum samstarfssamningi og óskar Karen og Sif alls hins besta.

Skráningar fyrir námskeið sumarsins eru þegar hafnar, sjá link: https://forms.gle/GroPUoinzSTukwGZ9