Blog Archives - Hestamannafélagið Sóti

Félagsfundur - Sveit í borg

12/27/2015

Hamingjusamur hestur á Álftanesi - sveit í borg! (mynd:SG)

Stjórn Hestamannafélagsins Sóta og stjórn Hesthúseigandafélagsins á Álftanesi boðar til félagsfundar vegna skipulagsmála. Á fundinn munu aðilar frá skipulagsnefnd Garðabæjar sitja fyrir svörum. Fundurinn verður haldin í félagshúsi Sóta, mánudaginn 28. desember kl. 18:00 (afsakið hvað fundarboðið berst seint) Gott væri að fundarmenn kæmu undirbúnir til leiks þ.e.a.s með tilbúnar spurningar sem brenna á félagsmönnum. Mætum öll og höfum áhrif á framtíð Sóta!

Jólakveðja

12/26/2015

Ljósmynd: SG

Óskað eftir hesthúsplássi og afnot af hesti

12/20/2015

Ljósmynd: SG

Hestamannafélaginu Sóta hefur borist bréf. 13 ára strákur, búsettur á Álftanesi (nálægt hesthúsunum) óskar eftir að fá að kynnast því að stunda hestamennsku í vetur. Hann getur séð um hirðingu eftir samkomulagi og langar líka að komast á hestbak. Brefið er svohljóðandi: ,,Ég á sem sagt 13 ára strák sem hefur áhuga á því að kynnast hestamennsku. Við eigum ekki hest né reiðtygi en við getum útvegað okkur þau ef við gætum komist í aðstöðu á Álftanesi. Ég sé fyrir mér að við fengjum að hafa afnot af barnvænu hrossi og mokað og gefið í staðinn í hverri viku, allt eftir því sem umsemdist. Sonur minn hefur farið á reiðnámskeið og langar til þess að halda áfram að ríða út."
Því miður býður hestamannafélagið Sóti ekki uppá félagshesthús en ef einhver góðhjartaður Sóta félagi er til í að leyfa stráknum að kynnast hestamennsku þá megið þið endilega hafa samband við föður hans í síma: 692-6030

Göngum við í kringum.....

12/20/2015

Mynd frá jólaballi Sóta og Sörla 2010. Þessir krakkar eru orðnir aðeins eldri núna!

Hestamannafélögin á Stór- Álftanessvæðinu sameinast um eitt jólaball: Sprettur ásamt hestamannafélögunum Fáki,Herði, Sóta og Sörla ætla að halda jólaball í veislusal Spretts í Samskipahöllinni 27. desember kl. 14 -16.Skemmtilegt jólaball í vændum þar sem dansað verður í kringum jólatré, jólasveinar með góðgæti í poka og meðlimir í brokkkórnum mæta á svæðið og halda uppi stemningu og söng.Allir hjartanlega velkomnir og vonumst til að sjá sem flesta.

Mörg Sóta-Atlas folöld næsta vor

12/18/2015

Á síðstu skemmtun Sótafélaga, kynjareiðinni, sem ferða og skemmtinefnd bauð uppá þann 16. júní, fór fram "live-show" hjá Atlasi frá Hjallanesi og Sperru frá Reykjavik. Það vill svo til að þessi stóðhestur, Atlas frá Hjallanesi, er í eigu margra Sótafélaga og var óvenjumörgum Álftanes-merum haldið undir klárinn. Það verða : (undir read more)

Skata hér og skata þar

12/18/2015

Sótafélagar geta aldeilis úðað í sig skötu á Þorláksmessu. Við erum hjartanlega velkomin á skötuveislu Spretts sem haldin er frá kl. 11:30 - 14:00. Þar mun Guðni Ágústsson verða ræðumaður dagins. Einnig eru Sótafélagar hvattir til að styrkja félaga okkar í Lionsklúbbi Álftaness og mæta í skötu sem verður í boði frá kl. 11:30 - 20:00. Verðið er 3.500.- en þar er enginn ræðumaður en þar verða hins vegar nokkrir Sótafélagar að þjóna til borðs. Og það er nú spennandi líka!

Sótafélagar geta fengið lykil af Samskipahöllinni

12/16/2015

Líkt og í fyrra þá er fullgildum Sótafélögum boðið að kaupa lykla af Samskipahöllinni upp í Spretti. Lítið mál er að skella hrossum á kerru og æfa sig innandyra t.d. þegar aðstæður eru slæmar til ÚTreiða. Lykillinn kostar 3.000.- á mánuði til Sótafélaga og hægt er að nálgast hann hjá Magga Ben í s: 893-3600 /maggiben@sprettarar.is.
Hér má finna dagatal reiðhallarinnar sem og lesa um reglurnar í reiðhöllinni.

Öflug æskulýðsnefnd

12/14/2015

Fyrsti fundur nýrrar æskulýðsnefndar var um helgina og það er greinilega mikill hugur í nefndarmönnum. Það lítur út fyrir að það verði margt spennandi á dagskrá í vetur fyrir æskuna í Sóta og þar á meðal ýmsar nýjungar. Það er hægt að fara að hlakka til vetrardagskrárinnar 2016! Það væri gaman að heyra hvort aðrar nefndir séu að skipuleggja sína dagskrá?

Hrossin sótt

12/6/2015

Þar sem veðurspáin fyrir morgundaginn er sérlega slæm voru öll hrossin bakvið Bessastaði tekin úr haganum í dag. Þeim hefur verið gefið út síðan allt fór á kaf í snjó og voru því mjög vel á sig komin. Vefstjóri hvetur hrosseigendur að gefa hrossum vel, hafa gott skjól hjá þeim og líta til þeirra fyrir storminn á morgun. Hestum líður vel úti þegar þau hafa nóg að éta, vatn og skjól.

Fundur hjá félagi hesthúsaeiganda

12/5/2015

Boðað er til fundar í Félagi hesthúseigenda á Álftanesi fimmtudaginn 10. desember kl 20.00 í félagsheimili Sóta.

Fundarefni: Framtíð hesthúsabyggðar á Álftanesi.

Mætum vel og ræðum þessi sameiginlegu hagsmunamál okkar.