Nú stendur yfir vinna við gerð aðalskipulags Garðabæjar. Inni á vef Garðabæjar má finna kynningu Árna Ólafssonar aðalskipulagsráðgjafa um stöðu vinnu við nýtt aðalskipulag og þau drög sem fyrir liggja hvað varðar Álftanes. "Sveit í borg" er á undanhaldi ef litið er á þessar hugmyndir, golfvöllur og hesthús í núverandi mynd víkja fyrir íbúðabyggð og á samkvæmt tillögum að fjölga íbúðum um 800 eða í samtals 1570 íbúðir (íbúðir í dag eru um 770). Garðabær hvetur íbúa til að taka þátt í ferlinu, m.a. með því að senda inn ábendingar á vefnum.
Kynnið ykkur málið, nú er tíminn til að koma með athugasemdir.

Sjá á vef Garðabæjar
Eru ekki öruggleg allir Sótafélagar ​aðilar af Facebook síðu íbúar Álftaness?  Endilega fylgjast með þar!

Það er ánægjulegt að segja frá því að fræðslunefnd Spretts hefur boðið okkur Sótafélögum að taka þátt í öllum uppákomum og námskeiðum á vegum fræðslunefndar Spretts í vetur.  Sótafélagar eru hvattir til að nýta sér þetta frábæra boð. Fréttir frá fræðslunefnd Spretts verða birtar hér á vefnum.

Hér má sjá dagskrá fræðslunefndar Spretts​

Vefstjóri rakst á þessa ungu stráka á útreiðum á Jörvavegi nú undir kvöld. Einhverjir bændur á Breiðabólsstöðum eru búnir að taka inn, járna og byrjaðir að temja.  Það er að færast líf í hestamennskuna hjá Sóta þennan veturinn. (meira síðar)

Á myndinni má sjá Þóri á gráu tamningatrippi, sem ku eiga að fara á Landsmót í ungmennaflokki, og Heiðar á keppnishryssunni Orku frá Fróni. 
(Vefstjóri biðst afsökunar á gæðum myndar en hún var tekin á síma í myrkrinu) ​​

Félag hesthúseiganda á Álftanesi auglýsir eftir eiganda þessa bíls:  Undanfarnar vikur hefur númerislaus rauður bíll staðið á kerrusvæðinu okkar. Hann er klesstur að framan og nú er búið að brjóta líka afturrúðuna á honum og glerbrot út um allt. Kannast einhver við eiganda þessa bíls ?
Það þarf að tilkynnan hann og láta fjarlægja  ef eigandinn finnst ekki og gerir það sjálfur.
​

Er einhver Sóta félagi sem gefur sig fram?  Allar tillögur eru einnig vel þegnar um keppendur frá Sóta. Senda tillögu á hestamannafelagidsoti@gmail.com
Spurningakeppni Hrossaræktar og LH verður tekin upp fljótlega eftir áramót. Nákvæmar dagsetningar verða tilkynntar mjög fljótlega, en gera má ráð fyrir að þetta verði um helgi í janúar. Þau félög sem hafa ekki tilkynnt liðsmenn eru vinsamlegast beðin um að gera það hið fyrsta. Nú þegar hafa 12 hestamannafélög tilkynnt lið. Í keppninni verða 16 lið, spurningarnar verða hestatengdar í bland við almenna kunnáttu. Þættirnir verða svo sýndir á Hringbraut á vormánuðum.

Æskulýðsnefnd Sörla stendur fyrir öryggisnámskeiði í hestamennsku í samstarfi við Sigurjón Hendriksson, sjúkraflutningamann og VÍS sunnudaginn 6. desember kl 13 á Sörlastöðum. Farið verður yfir helstu öryggisatriði er varðar hestamennsku og hvernig beri að bregðast við ef slys verða.

Fyrirlesturinn er miðaður við börn, unglinga og ungmenni en fullorðnir eru að sjálfsögðu velkomnir líka. Fyrirlesturinn er opin öllum og haldinn í samvinnu við  hestamannafélögin á höfuðborgarsvæðinu.

Aðgangur er ókeypis.

Á  Breiðabólsstað er í óskilum ungur jarpur hestur. Hann stóð bara allt í einu inni í lokaðri rafmagnsgirðingu við hesthúsið fyrir u.þ.b. tveimur vikum og er nú kominn á hús og safnar eiganda sínum kostnaði. Hesturinn er smávaxinn líklega eins eða tveggja vetra, faxlítill og ekkert sérstaklega fyrir augað.
​
Kveðja, Guðm. Birkir

Á síðasta aðalfundi var Margrét Lóa Björnsdóttir útnefnd sem íþróttamaður Sóta 2015. Hún var stigahæst yngri knapa á árinu en auk þess að keppa á öllum mótum hjá Sóta með góðum árangri, keppti hún einnig á öðrum mótum fyrir hönd Sóta. Má þar t.d. nefnda meistaradeild æskunnar og Íshesta.  Margrét Lóa stundar hestmennskuna af kappi og er til fyrirmyndar í hvívetna, jafnt innan vallar sem utan og sýnir af sér iþróttamannslega framkomu. 

Innilega til hamingju Margrét Lóa! 

Sótafélagar eru hvattir til að mæta á íbúafund sem Garðabær heldur í Álftanesskóla, miðvikudaginn 25.nóvmeber frá kl. 17-19.  Link á viðburðinn má finna hér.