Blog Archives - Hestamannafélagið Sóti

Hópmyndataka í nýju Sóta úlpunum

5/29/2020

Allir sem eiga nýju Sóta-úlpuna eiga að mæta í myndatöku! (ætlum að drifa í þessu áður en við missum alla í sumarbeitina)

Hvenær: Sunnudagsmorguninn 31. maí kl. 10:30 (eftir morgungjöf).
Hvar: Í hverfinu. Allir yngri en 16 ára mæti með hestana sína, hestarnir verða með á myndinni
Mæting í: Sóta úlpunni og helst í reiðfatnaði (þeir sem eiga)

Koma svo - hverjir eru bestir?

Formaður vor í viðtali á Eiðfaxa

5/26/2020

Blaðamaður Eiðfaxa hitti Jörund Jökulsson formann félagsins og spurði hann út í lífið í Sóta.

Sjá má viðtalið hér

Æfinga-íþróttamót 21 maí - úrslit

5/23/2020

Það var óvenju fjölmennt í fimmgangi

Lokað æfinga-íþrottamót Sóta fór vel fram á velli félagsins fimmtudaginn 21 maí, uppstigningadag. Gaman var að sjá nokkra Sóta félaga stíga sín fyrstu spor á Íþróttamóti. Svafar Magnússon var eini dómari mótins og fórst honum það vel úr hendi. Æskulyðsnefnd sá um kaffið og var ilmandi vöfflulykt í lofti Þakkir til allra, keppenda og starfsfólks sem tóku sé tíma til að mæta þrátt fyrir annir við byggingu reiðhallar.
Úrslit fóru þannig.

Kerruferðin á morgun, laugardaginn 16 maí

5/15/2020

Upplýsingar til þeirra sem ætla í kerruferðina á morgun, laugardaginn 16 maí:

Mæting: kl. 11:30 í hesthúsahverfinu. Græjum hesta í kerrur og leggjum síðan af stað ca kl. 12:00
Reiðleið: Lagt verður af stað ríðandi frá Hesthúsahverfinu í Spretti og riðin Gunnuvatnaleið og svo meðfram Elliðavatni, gegnum Rauðhóla og endað í Almannadal. Þetta eru ca 10 km og ekkert mál að vera einhesta. Við ætlum að njóta en ekki þjóta!
Gott að taka með sér nesti (annað hvort í hnakktösku eða bara stinga í vasann)
Áætlað að vera komin aftur á nesið milli 16-17:00

Stefnum svo á að grilla um kvöldið - hver kemur með á grillið fyrir sig

Sjáumst hress og kát!
Ferða og skemmtinefnd

Viltu fara í reiðmanninn?

5/6/2020

Reiðmaðurinn er alhliða reiðnám fyrir hinn almenna hestamann sem vill auka við þekkingu sína og færni í reiðmennsku, hrossarækt og almennu hestahaldi, en ekki síður fyrir þá hestamann sem vilja fara í þá vinnu að eflst sem manneskjur.

Nánari upplýsingar má finna hér

Undirbúningsfundur vegna hestaferðar

5/6/2020

Fyrir þau sem stefna á að koma með í hestaferðina 16-17 maí þá verður undirbúningsfundur haldin í félagshúsinu fimmtudagskvöldið 7. maí kl. 20:00. Þar verður farið yfir leiðina, hvað þarf að hafa í huga og svarað spurningum. Við stefnum einnig á að fara í 2-3 "generalprufuferðir" með hópnum, fyrsta ferð n.k. sunnudag!
Kveðja
Ferða og skemmtinefnd

Umferðareglur hestamanna

5/5/2020

Áminning Landssambands Hestamanna.
Við viljum hvetja hestamenn um land allt að hafa umferðar- og umgengisreglur Samgöngunefndar LH að leiðarljósi. Förum varlega, sýnum tillitsemi og munum hjálmanotkun.

Hestamenn víkja til hægri á reiðleiðum
Hestar sem eru teymdir skulu ávallt vera hægramegin og ekki fleiri en tveir (þrír til reiðar)
Reiðhjálmar eru sjálfsögð öryggistæki
Endurskinsmerki í skammdegi veita hestum og mönnum aukið öryggi
Lausir hundar eru ekki leyfilegir á reiðleiðum og í hesthúsahverfum
Áfengi og útreiðar fara ekki saman
Sýnum tillitsemi, ríðum ekki hratt á móti eða aftanundir aðra reiðmenn
Fari margir hestamenn saman í hóp skal ríða í einfaldri röð ef umferð er á móti
Ríðum á reiðvegum og slóðum þar sem því verður viðkomið
Teymum hesta, rekstrar eru bannaðir í þéttbýli

Sumarbeit 2020

5/5/2020

Þeir Sótafélagar sem óska eftir sumarbeit, júní, júlí og ágúst, eru beðnir um að senda inn umsókn fyrir 15. maí á netfangið [email protected] Vinsamlegast takið fram fjölda hrossa.

Lokað þrígangsmót 9. maí

5/5/2020

Ákveðið hefur verið að halda þrígangsmót laugardaginn 9. maí. Áætlað er að hefja mótið kl 14:00.

Í boði verða eftirfarandi flokkar:

Barnaflokkur
Unglingaflokkur
Ungmennaflokkur
Karlaflokkur (opinn flokkur- 1. flokkur á sportfeng)
Kvennaflokkur (opinn flokkur- 2. flokkur á sportfeng)

Nýjir Sóta jakkar

5/5/2020

Félagsmönnum Sóta býðst nú að kaupa vandaða jakka frá Cintamani sem verða merktir félaginu. Jakkarnir eru í kven- og karlasniðu og fást í svörtum og bláum lit. Verð kr 22.000.- fyrir fullorðna.

Fyrir mátun má hringja í Maríu í s: 899-0944

Kveðja
Æskulýðsnefnd