Þar sem veðurútlit og flóðatafla er betri fyrir föstudaginn (og golfmót er á fimmtudaginn) hefur verið ákveðið að færa Fjöru-Fjörið á föstudaginn 31 maí.

Brottför frá félagshúsi Sóta kl. 17:30, riðið í fjöruna við Haukshús, farið í leiki á hestum, sandkastalakeppni og sundriðið. Síðan verður grillað í félagsheimilinu og við skemmtum okkur saman - þetta er lokadagskrá vetursins og n.k. uppskeruhátið Sóta félaga.

Allir velkomnir með á öllum aldri. Þar sem við þurfum að vita fjöldann þá biðjum við ykkur um að skrá ykkur á hestamannafelagidsoti@gmail.com eða á Facebook síðu Sóta í síðasta lagi fimmtudaginn 30 maí.

Síðasta mót félagsins á þessum vetri, gæðingamót Sóta, fór fram í gær, laugardaginn 25. maí.  Þrátt fyrir kuldagjólu fór mótið vel fram og höfðu atvinnumenn á orði að völlurinn okkar væri einn sá besti á landinu!  Öllum sem unnu við mótið eru þökkuð vel unnin sjálfboðaliðastörf.
Úrslit má finna hér og myndir á facebook síðu Sóta (opin öllum)

14:00  Forkeppni A-flokkur
14:10  Forkeppni Barnaflokkur
14:15  Forkeppni Unglingaflokkur
14:40  Unghross
14;55  Forkeppni Ungmennaflokkur
15:00  Forkeppni B-flokkur
15:30  Pollar

15:45-16:15  KAFFIHLÉ

16:15  Úrslit  A-flokkur 
16:30  Úrslit  Unglingar
16:45  Úrslit  B-flokkur

Ráslista má finna hér

Æskulýðsnefnd Sóta ætlar að endurtaka leikinn frá í fyrra og bjóða uppá fjöru skemmtun að hætti Sóta félaga, fimmtudaginn 30 maí. Lagt verður af stað frá félagshúsi stundvíslega kl. 17:30. 
Riðið verður út í fjöruna við Haukshús þar sem verður farið í leiki og sundriðið fyrir þá sem þora. Á eftir verður boðið uppá grillmat í félagshúsinu og skemmtun fyrir börnin. 


Vegna sameiningar Álftaness og Garðabæjar eru Sprettarar boðnir sérstaklega velkomnir með okkur. Eitthvað fyrir alla, líka börn sem ekki eru ríðandi, bara koma í fjöruna og leika saman. Gott að koma með fötur og skóflur þar sem farið verður í kastalakeppni. 

Allir að leggjast á bæn að veðrið verði gott og koma svo! 
Kveðja 
Æskulýðsnefnd 

Kæru Sótafélagar
Gleðilegt  sumar. Við hjá girðinganefnd  bjóðum þeim  Sótafélegum á fund sem hug hafa á að sækja um sumarbeit  hjá félaginu. Flestir núverandi  félagar  hafa hug á að halda þeim stykkjum sem þeir hafa til umráða.  Formaður Sóta er búin að funda með Bæjarstjóranum og hún væntir að samningur um hagabeit verði undirritaður fljótlega.  Fundartími er þriðjudagskvöld  þann 21 maí  Kl 20.00 í félagsheimili  Sóta .

Kveðja  Girðinganefnd

Gæðingamót Hestamannafélagsins Sóta verður haldið laugardaginn 25. maí og hefst kl 14.
Keppt verður í:

A og B flokki
Barna-, Unglinga- og Ungmennaflokki
Unghrossa sýning, hross 5 vetra og yngri í eigu félagsmanna.

Skráning verður í gegnum Sportfeng og hefst á morgun og lýkur á fimmtudagskvöldið kl 23:00
Kveðja
Mótanefnd

Ólafía María og Berglind Birta útskrifuðust í gær með knapamerki fimm og hafa þar með lokið öllum knapamerkjanámskeiðunum. Innilega til hamingju Ólafía og Berglind - sannarlega glæsilegur árangur hjá ykkur! (fleiri myndir á facebook síðu Sóta)

Íþróttamót Sóta var haldið í blíðskaparveðri í gær, laugardag. Skráningar voru heldur fleiri í fyrra en hefði þó mátt vera meira.  Keppnin fór vel fram og voru bæði keppendur, dómarar og áhorfendur í sólskinsskapi. Boðið var uppá grillaðar pylsur i hádeginu og kaffihlaðborð fyrir úrslitatörnina, enda veitti ekki af þar sem prentarinn fetaði óvenju hægt út úr sér eyðublöðunum.  Mótanefnd vill þakka öllum þeim sem hjálpuðu til á mótinu og æskulýðsnefnd sendir þakkir til þeirra sem komu með veitingar á hlaðborðið. Úrslit fóru þannig: Úrslit. Nokkrar myndir á Facebook síðu Sóta, þeir sem tóku myndir eru hvattir til að setja þær inn þar)

11:00 Tölt T3 barna 
11:10 Tölt T3 unglinga 
11:30 Tölt T3 ungmenna  
11:40 Tölt T3 1. flokkur 
11:50 Fimmgangur F2 1. flokkur 

12:10 Matarhlé 

12:50 Tölt T2 1. flokkur 
13:00 Fjórgangur V2 barna 
13:10 Fjórgangur V2 unglinga 
13:30 Fjórgangur V2 ungmenna 
13:40 Fjórgangur V2 1. flokkur 

14:00 Stutt kaffihlé 

14:15 Úrslit Tölt T3 unglinga 
14:30 Úrslit T3 1. flokkur 
14:45 Úrslit Fimmgangur 1. flokkur 
15:00 Úrslit Fjórgangur V2 unglinga 
15:15 Úrslit Fjórgangur V2 1. flokkur 

Kaffihlaðborð í boði æskulýðsnefndar 

Ath að ráslistar verða birtir á Facebook síðu Sóta í kvöld 
Kveðja
Mótanefnd 

Íþróttamót Hestamannafélagsins Sóta verður haldið á velli félagsins laugardaginn 11. maí og hefst mótið kl. 11:00. 

Keppt verður í:

Barnaflokki                                      Tölti T3 og Fjórgangi V2                 
Unglingaflokki                                  Tölti T3 og Fjórgangi V2



Ungmennaflokki                                  Tölti T3, Fjórgangi V2 og Fimmgangi F2 
1. flokkur fullorðinna                          Tölti T3, Tölti T2, Fjórgangi V2 og Fimmgangi F2 

Skráning fer fram á www.sportfengur.com, undir skráningarkerfi.   Þar skal velja hestamannafélagið Sóti og svo velja viðburðinn . Þegar búið er að fylla inn upplýsingar og skrá í vörukörfu þarf að smella á vörukörfuna til að fara í greiðslukerfið. Þegar greiðslu er lokið ætti kvittun að berast með tölvupósti og staðfestir hún skráninguna. Ath að þessu sinni er einungis hægt að greiða með millifærslu, ekki kreditkorti.

Skráningu lýkur fimmtudagskvöldið 9. maí kl. 23:59 

Skráningagjöld eru 3.000,- kr  í  1. flokki fullorðinna á hverja skráningu en 1.500,- kr í  barna-, unglinga- og ungmennaflokki.

Rétt er að benda á að reglur um hverja keppnisgrein má finna á:  http://www.lhhestar.is/static/files/Log_og_reglur/lh_og_reglur_mars_2013_1_23042013.pdf
Reglur um beislisbúnað ofl:  http://www.lhhestar.is/static/files/HIDI/FIPO_2011_isl.pdf

Koma svo!  Allir með og höfum gaman af. 
Mótanefnd Sóta

Kaffi fyrirkomulag á mótinu á vegum æskulýðsnefndar:  Boðið verður uppá pylsur í hádeginu.  Hægt verður að kaupa pylsu og pylsubrauð á  kostnaðarverði (ca 150-200)  en viðkomandi þarf að grilla sína pylsu sjálfur.  Gos verður einnig til sölu á kr. 100,-  Muna efftir klinki! Kaffi fritt 
KAFFIHLAÐBORРí hléi (og eftir mót)  ALLIR að koma með eitthvað á hlaðborðið. . Það er því okkar hagur að hafa borðið sem flottast. Engar kökur - ekkert kaffi.  Ekki ætlast til að aðrir komi með :-)   Aldrei að vita nema það verði frítt inn á kaffihlaðborðið!