Blog Archives

Vetrarleikar 1 - úrslit

2/22/2016

Fyrstu vetrarleikar ársins hjá Sóta voru haldnir á fínum velli félagsins laugardaginn 20. febrúar. Ágætis skráning var í eldri flokknum þó að ósekju hefði mátt sjá fleiri Sóta félaga. Það er hins vegar alltaf gaman að fá góða gesti og þeir gerðu fína ferð á Álftanesið. Við bjóðum þá hjartanlega velkomna aftur og biðjum þá endilega að taka vini sína með næst. Dómari var hinn landskunni hestamaður, Guðmundur Birkir Þorkelsson og stóð hann sig vel. Eina sem setja mátti útá var að kaffinefndin hefði mátt standa sig betur. Gestir, keppendur og starfsmenn fóru svangir frá mótinu. En úrslit urðu þannig:

0 Comments

Opnir vetrarleikar - allir með!

2/15/2016

0 Comments

Fyrstu OPNU vetrarleikar Sóta af þremur, verða haldnir laugardaginn 20 febrúar. Keppt verður í:
Kl. 13:00 á vellinum – Eingangur
Keppendur sýna eina gangtegund. Keppendur hafa allt að tvo hringi til að sýna bestu gagntegund hestsins, – dæmdar verða langhliðar. Fimm efstu einkunnir gilda til sigurs.
Kl. 14:00 (eftir einganginn) í gerðinu – Smali
Sett verður upp þrautabraut í gerðinu (með svipuðu sniði og 2013) og keppt verður uppá tíma /refsistig þ.e.a.s. sá sigrar sem er með besta tímann og fæst refsistig.
(sjá meira undir read more)

0 Comments

Gamlar myndir

2/10/2016

0 Comments

Ein gömul frá vígslu Sóta Skjóls - einu sinni attum við reiðhöll

Allir hafa gaman af að skoða gamlar myndir og eflaust eru flestir búnir að gleyma gömlu heimasíðunni okkar. En hér er hægt að komast inn á hana http://xn--lftanes-gwa.is/ Svo er farið í menning og mannlif og þar finnið þið hestamannafélagið Sóti - myndaalbúm. Njótið vel og það er hollt að hlæja smá. Þess má geta að í afmæli Sóta 2015 þá gáfu Steinunn G og Guðmundur R hestamannafélaginu Sóta flakkara með yfir þúsund myndum teknum frá 2004 - 2015

0 Comments

Frétt frá æskulýðsnefnd

2/3/2016

0 Comments

N.k. laugardag, þann 6. febrúar, ætlum við að skella okkur í bæjarferð. Farið verður frá félagsheimili Sóta kl. 12:30 og stefnan tekin á Laugardalinn. Þar verður börnunum boðið að fara annað hvort í Húsdýragarðinn eða á skauta í Skautahöllinni (t.d. þeir sem vilja ekki fara á skauta geta farið í húsdýragarðinn og öfugt) . Eina sem þarf að taka með er góða skapið og að vera vel klæddur. Þeir sem hafa áhuga á að koma með eru beðnir að láta vita (t.d. á facebook síðu æskulýðsnefndar eða láta Nönnu eða Steinunni vita) fyrir kl. 16:00 á föstudeginum 5. febrúar. Áætluð heimkoma er kl. 14:30.

0 Comments

Frétt frá ferða-og skemmtinefnd

2/3/2016

0 Comments

Fyrirhugaðri ferð á ræktunarbú, sem átti að vera næstkomandi laugardag hefur verið frestað til
19. mars. Lengri tími til að hlakka til!

0 Comments

Vetrarleikar 1 - úrslit

Opnir vetrarleikar - allir með!

Gamlar myndir

Frétt frá æskulýðsnefnd

Frétt frá ferða-og skemmtinefnd

Sóti

Eldri fréttir