Stjórn LH er á fundarferð um landið þessar vikurnar til að hitta stjórnir hestamannafélaganna og spjalla um þau mál sem eru í efst á baugi. Fundurinn með hestamannafélögum á höfuðborgarsvæðinu var haldin í gærkvöldi, mánudaginn 28 mars. Þar var rætt um fyrirkomulag dómgæslu, aðkomu LH að keppnum og hvernig unnt sé að auka aðkomu félaga að ahugamannakeppnum. Að  hestaíþróttir verði raunverulegur valmöguleiki fyrir börn og unglinga. Styrkjamál s.s. æskulýðsstyrk og möguleika á styrkjum frá ÍSÍ fyrir þjalfara og iðkendur. Reiðvegamál ofl.

(Takk Þorsteinn fyrir frétt og myndir)

Strax eftir vetrarleika 3 fór fram sýning / keppni meðal folalda í eigu félagsmanna Sóta. 3 hestfolöld og 4 merfolöld mættu til leiks og voru hvert öðru glæsilegra svo dómurum þótti erfitt að gera uppá milli.  Sýningin fór fram í Celíus höllinni og komu folöldin beint úr kerrunni - inn í stóra gerði og svo beint í höllina.  Ævar Örn og Sigurgísli röðuðu folöldunum í sæti og áhorfendur völdu svo glæsilegsta folald sýningarinnar en Blíður frá Breiðholti hlaut þann heiður - einróma!  Celcíus bræðurnir, Magnús og Gunnar og Högni Gunnars gáfu verðlaunin.  Að lokum var folatollur undir Kolgrím frá Breiðholti (sem ofantaldir gáfu) boðin upp og rann allur ágóði til Sóta.  Það endaði með því að uppboðshaldArinn (Ari) bauð best og hreppti tollinn.  Takk fyrir skemmtilegan dag! 

Úrslit urðu þannig: 

Þriðju vetrarleikar Sóta 2022 - Þrígangur fóru fram í Celcius höllinni í dag, laugardaginn 19 mars.   Stefnt hafði verið á að halda leikana út á vellinum en vegna veðurs og vallarskilyrða var ákveðið að færa mótið inn og tókst það vonum framar.  Keppt var í tveimur flokkum, 17 ára og yngri og 18 ára og eldri.  Dómari var Ævar Örn og "Celcius" bræðurnir , Magnús og Gunnar, og Exploring Iceland gáfu verðlaunin.  Skemmtilegur dagur hjá Sóta! 

Úrslit urðu þannig: 

Eftir þríganginn á þriðju vetraleikum Sóta 2022 verður boðið uppá folaldasýningu fyrir félagsmenn í Celcius höllinni (ca kl. 16:00, gæti byrjað fyrr).  Skráning á folöldum fer fram í félagshúsi frá kl. 13-13;30.  Skrá skal nafn folalds, lit, foreldra og ræktanda/eiganda.  Dómari mun dæma folöldin og veitt verða verðlaun fyrir besta hest- og merfolaldið.  Vegleg verðlaun!   Einnig verður boðinn upp folatollur undir glæsihestinn Kolgrím frá Breiðholti!  
Sjá myndband af Kolgrími hér

Hvetjum félagsmenn til að mæta með folöldin sín og hvetjum áhorfendur til að fylgjast með krúttlegri sýningu.   

Opnað hefur verið fyrir skráningar í Sportfeng á nýtt sex vikna námskeið hjá Hinriki Sigurðssyni sem hefst þann 15. mars n.k. (www.sportfengur.com)
Námskeiðið byggist á 40 mínútna reiðtímum einu sinni í viku.
Hinrik Sigurðsson er reiðkennari frá Háskólanum á Hólum og þjálfari í hestamennsku og hefur starfað sem reiðkennari og tamningamaður víða um heim í yfir 20 ár. Hann hefur verið virkur keppnis- og sýningarknapi og unnið fjölda titla í íþróttinni í gegnum árin.

Vetraleikar 1 (smali) og 2 (eingangur) fóru fram í Celcius höllinni, laugardaginn 26 febrúar.  Þátttaka hefði að ósekju mátt vera meiri en vitað er um marga með COVID í félaginu.  Keppnin fór vel fram og allir glaðir, þátttakendur, áhorfendur og starfsmenn. 
Sjáumst á vetrarleikum 3 þann 19 mars en þá verður húllum hæ langt fram á kvöld og mikil dagskrá. 

Úrslit fóru þannig:  (ath ef einhver á myndir þá væri gaman að deila þeim með okkur)