Blog Archives - Hestamannafélagið Sóti

Firmakeppni Sóta

4/27/2018

Hin árlega firmakeppni Sóta fer fram á velli félagsins þriðjudaginn 1. maí. Við byrjum á stuttri hópreið frá hesthúsunum kl. 14:00 og hvetjum ALLA til að taka þátt í hópreiðinni (hvort sem þið ætlið að keppa eða ekki).

Dagskrá:

Opna Álftanesmótinu 2018 aflýst

4/27/2018

Vegna ýmissa ófyrirsjánlega atvika (m.a. nýr Sport-Fengur) hefur verið ákveðið að hætta við opna Álftanesmótið sem átti að fara fram 12-13 maí. Við hvetjum keppendur að taka þátt í Reykjavíkurmeistaramótinu sem fer fram á sama tíma. Sótafélagar eru einnig velkomnir á Íþróttamót Spretts helgina 18-20 maí.
Sjáumst hress í maí 2019!
Stjórn og mótanefnd Sóta

Sumarbeit á Álftanesi

4/25/2018

Nú er komið að því að skipuleggja sumarbeitina fyrir hrossin.

Þeir sem óska eftir beit á Álftanesi sumarið 2018 þurfa að setja sig í samband við Jörund á netfangið [email protected] fyrir 1. maí n.k.

Hinn árlegi og frábæri Ratleikur!

4/18/2018

Þar sem sumarið er að koma á nesið fagra þá er komið að hinum stórkostlega ratleik okkar í Sóta. Hann verður á morgun, Sumardaginn fyrsta þann 19.apríl klukkan 11:00. Þar mætum við öll fyrir framan félagshúsið og rætt verður leikreglur og skipt í lið

Æskilegt er að koma með myndavél/síma þar sem það er hluti af leiknum. Það verða svo grillaðir hamborgarar að leik loknum.

Vonumst til að sjá sem flesta
Sjáumst hress og kát á fimmtudaginn
Kveðja Skemmtinefnd

Allir á námskeið!

4/17/2018

Sigrún Sigurðardóttir reiðkennari stefnir á að vera hjá okkur með reiðkennslu næstu vikurnar fyrir krakkana og aðra áhugasama Sótafélaga. Lagt er upp með fimmtudaga til að byrja með en breyta jafnvel yfir í mánudaga og miðvikudaga í maí.
Áætlað er að kenna tveim saman 45 mín senn (aðrar útfærslur eru jafnvel mögulegar eftir áhuga).
Markmið kennslunnar verður að koma til móts við þarfir og væntingar hvers og eins. Þeir sem hafa áhuga eru vinsamlegast beðnir að senda tölvupóst á netfangið: [email protected] sem allra allra fyrst til að auðvelda skipulag

Tiltektardagur hjá félagi hesthúseigenda

4/17/2018

Nú gerum við fínt í kringum okkur! Miðvkudaginn 18. april kl. 18:00 - allir að mæta með hanska, skóflur og hrífur! Ari kemur með gröfu og Jöri kerru.

kv Stjórn hesthúsaeigenda

p.s. Grill á eftir

Kvennareið - okkur er boðið!

4/17/2018

Sörlakonur taka á móti hestakonum úr Sóta, Sprett, Fáki, Mána og Herði.
Sörlakonur leggja af stað frá reiðhöllinni Sörlastöðum og bjóða okkur í Sóta að vera samferða c.a. 17.30 og safnast saman við Vífilstaðavatn 18.30 og gestum fylgt svo í reiðhöllina á Sörlastöðum.
Þar verður tekið á móti konum með lambalæri og annað meðlæti að hætti kokksins, sem hefst um 20.00. Verð 3000kr. Skráning er hjá Þórunni í fyrir miðnætti þriðjudaginn 17.april í sima 8972919 eða [email protected]

Vetrarleikar 3 - Úrslit

4/16/2018

Þriðju og síðustu vetrarleikar Brimfaxa, Háfeta og Sóta fóru vel fram á Sótavellinum í gær, sunnudag. Menn og hross voru í miklu stuði enda sunnanblærinn á nokkurri ferð á nesinu fagra (sum hross áttu erfitt með að höndla vor-ilminn í loftinu.....). Menn voru sammála um að keppnisfyrirkomulagið væri skemmtilegt og Svafar dómari fær mikið hrós fyrir góða og fróðlega dóma. Takk allir fyrir daginn! Vonandi verða aftur sameiginlegir vetrarleikar að ári.
Úrslit fóru þannig: (myndir á FB síðu Sóta)

Vetrarleikar nr 3 - Þrígangur

4/8/2018

Þriðju og síðustu vetrarleikarnir verða haldnir hjá okkur í Sóta sunnudaginn 15 april.. Mótanefnd vill hvetja sem flesta að taka þátt í mótinu - margir flokkar í boði og þetta verður bara gaman!

Ef einhverjir vilja rétta mótanefnd hjálarhönd þá er öll hjálp vel þegin.

Hlökkum til að sjá sem flesta með bros á vör!
Kveðja
Mótanefnd

Branda hesthúsakisa öll

4/1/2018

Sá sorglegi atburður gerðist á föstudaginn langa að elsku Branda, hesthúsakisan hans Guðmundar og vinur okkar allra, lenti í alvarlegu slysi. Farið var með Bröndu til dýralæknis en þvi miður var ekkert annað í stöðunni en að senda hana í sumarlandið eilífa. Bröndu verður sárt saknað en hún var einstaklega skemmtilegur og góður köttur sem sótti í félagsskap manna og hesta.

Blessuð sé minning Bröndu.