Landssamband hestamannafélaga stendur að Hestadögum í góðu samstarfi við Íslandsstofu sem kynnir íslenska hestinn á heimsvísu undir kjörorðinu HORSES OF ICELAND.
 
SKRÚÐREIÐ KL. 13 Í MIÐBÆ REYKJAVÍKUR LAUGARDAGINN 30. APRÍL
Skrúðreiðin leggur af stað frá Hallgrímskirkju niður Skólavörðustíg og fer um Bankastræti, Austurstræti, Pósthússtræti, Vonarstræti og á Austurvöll þar sem kór tekur á móti hestum og knöpum. Þar gefst fólki
tækifæri á að klappa hestunum og spjalla við knapana.
​(meira undir read more) ​

 Miðvikudaginn 27. april kl 18:00 ætlum við að raka og hreinsa reiðstíga, fólk komi með hrífur, mæting í félagsheimili. Súpa og brauð á eftir.
Kveðja
Reiðveganefnd

Firmakeppni Sóta / Minningarmót Ása og Önnu fór vel fram á velli félagsins á laugardaginn þó svo þátttakan hefði mátt vera meiri. Firmakeppni er upplagt tækifæri fyrir alla að spreyta sig en boðið er uppá marga flokka, það má sýna hvaða gangtegund sem er og aðalatriðið er að hafa gaman og sýna samstöðu með þeim fyrirtækjum sem styrkja okkur.  Vonandi verða fleiri með næst! 
​En kaffihlaðborðið var verulega ljúffengt og flott og öllum þeim sem lögðu hönd á plóg á einn eða annan hátt eru þökkuð vel unnin störf.  Guðmundur Birkir stóð sig frábærlega sem dómari og þar var gaman í verðlaunaafhendinunni þegar hann útskýrði úrslitin vel.
​TAKK til allra styrktaraðila!  

​En hér má sjá úrslitin

Firmakepnni Sóta / Minningarmót Ása og Önnu verður haldið laugardaginn 23. apríl kl 13. Byrjað verður á hópreið, stundvíslega kl 13. Skráning í félagsheimilinu sama dag milli kl 11-12.

Keppt verður í eftirtöldum flokkum:
Pollar teymdir - 9 ára og yngri
Pollar ríðandi - 9 ára og yngri
Barnaflokkur - 10-13 ára
Unglingaflokkur - 14-17 ára
Ungmennaflokkur - 18-21 árs
Kvennaflokkur
Karlaflokkur
Heldrimannaflokkur 50 ára og eldri.

Athugið að skrá má í fleiri en einn flokk ef það á við.
Engin skráningagjöld og veitingar á vægu verði. Keppendur fá afhend númer.

Riðið verður hefðbundið firmakeppnisprógram þ.e.a.s. hægt tölt og fegurðartölt - allir inná í einu og 5 bestu fara í úrslit. Tónlist, þulur og stemning!

​Koma svo - allir með og höfum gaman - þetta er mót fyrir alla Sótafélaga.
Mótanefndin

Einhverjar kvartanir hafa borist um að hestaskítur sé á malbikuðum göngustígum á Álftanesi. Hestamenn á Álftanesi eru vinsamlega beðnir um að ríða ekki á göngustígum og ef "slys" verður, þá vinsamlega sópið eftir ykkur.
​Sumarkveðjur frá Jóa formanni

Kæru Sótafélagar.

Þar sem sumarið er að koma á nesið fagra þá er komið að hinum stórkostlega ratleik okkar í Sóta eins og fram kemur í áður auglýstri dagskrá skemmtinefndar. Sumardaginn fyrsta þann 21. apríl kl. 12 er mæting í félagshús og mun ratleikurinn vera með svipuðu sniði og áður en, tekur þó styttri tíma en oft áður. Æskilegt er að þátttakendur komi með myndavélar, allavega partur af þátttakendum.
Gott væri að vita fjölda svo að skipulagning gangi betur.
Skráning fer því fram í netfanginu haraldur@aikman.is eða í athugasemd hér að neðan.. smile broskall

Það verða svo veitingar að leik loknum.
Hlökkum til að sjá ykkur öll og fleiri til..
Sumarkveðja
Skemmtinefndin

Félag hrossabænda og Landssamband hestamannafélaga hafa gefið út fallegt fræðslurit/bók fyrir forvitna krakka og nefnist það „Heimur hestsins“. Rit-og verkefnastjóri er Hulda G. Geirsdóttir.  Í þessari bók er kíkt inn í heim hestanna frá sjónarhóli barna og hinar fjölbreyttu hliðar hestamennskunnar kynntar.  Fróðleg og skemmtileg bók fyrir yngstu hestamennina.  Hægt er að kaupa bókina á einungis 1.000.- kr hjá Guðmundi Birki á Breiða.

Frá Frederike Laustroer höfundi bókarinnar:
„Hestar eru töfrandi, sérstaklega fyrir börn og þeir vekja mikinn áhuga hjá litlu fólki. Hugmyndin að baki þessari bók er að opna heim hestsins fyrir börnunum, kynna þeim hestinn og það sem honum fylgir. Sjálf er ég leikskólakennari, grafískur hönnuður og Hippolini reiðkennari og mér finnst einstaklega gaman að tengja það allt saman.“

Ferða og skemmtinefnd fundaði í vikunni og hefur sett saman metnaðarfulla dagskrá fyrir apríl - júní.  Sem lítur svona út:

​21. april / Sumardagurinn fyrsti:  Hinn árlegi ratleikur.  Boðið uppá hamborgara fyrir þátttakendur
​4, maí / miðvikudagur:  Miðnæturreið - grillað á eftir
​16. júní / fimmtudagur:  Kynjareið og óvissuferð - grillað á eftir
​
Allt nánar auglýst síðar!  En takið þessa daga frá - koma svo, allir með
Kveðja
​Ferða- og skemmtinefnd

Þar sem veður setti strik í reikninginn þann 12. mars, var keppni í tvígangi frestað.

Nú er komið að síðustu vetrarleikum Sóta á laugardaginn kemur, þann 09. apríl. Ákveðið hefur verið að keppa í bæði tví- og þrígangi.

​Kl. 12:00 – Tvígangur.
Keppendur sýna tvær gangtegundir. Keppendur hafa allt að tvo hringi til að sýna tvær bestu gagntegundir hestsins, – dæmdar verða langhliðar. Fimm efstu einkunnir gilda til sigurs.