,,Hinrik er frábær kennari"

Birna skoraði síðast á mömmu sína Nönnu Björk.  Nanna kom einnig vestur af fjörðum í Sóta en þar rak hún m.a. hestaleigu á Þingeyri.  Hún er öflugur félagsmaður og sér m.a. um Facebook síðu Sóta.

Sp. Hvaða hesta verður þú með á húsi í vetur?
Sv: Ég er með Hrímu mína, Hrímnis- og Glettudóttir og Ljósvíkinginn hennar Birnu. Við mæðgur notum hann saman og er ég þakklát fyrir það.

Sp: Stefnir þú á að fara á námskeið eða sýnikennslur?
Sv: Ég er búin að vera hjá Hinrik og mér finnst hann frábær kennari. Hef ekkert sótt  sýnikennslur.

Sp: Fórstu í einhverjar hestaferðir í sumar?
Sv: Nei, fór ekki s.l. sumar en fór með Sótafélögum sumarið þar á undan. Það var mjög gaman.

Sp: En hélstu einhverjum merum, ef já, undir hvaða hest(a)?
Sv: Nei, er ekki að rækta núna en hefði, á sínum tíma, gjarnan viljað setja Glettu mína undir bæði Svein Hervar frá Þúfu og Vökul frá Efri Brú.

Sp: Áttu uppáhalds hestalit?
Sv: Þegar ég var lítil þá var drauma hesturinn brúnn með hvíta sokka en núna tengist liturinn frekar karakter hestanna. Eins og þegar ég var með Glettu, sem var æðislegt hross, þá var rauð glófext uppáhalds liturinn. Núna eru grár og leirljós í uppáhaldi.

Sp: Er eitthvað sérstakt sem þú vilt koma á framfæri?
Sv: Nei, er alveg góð.

Sp: Hvern viltu skora á að vera næsti spjallari?
Sv: Ernu Björk