Uppskeruhátíð æskulýðsnefndar fór fram síðastliðinn sunnudag en þá voru pollar, börn, unglingar og ungmenni boðuð í félagshúsið kl. 16:30.  Byrjað var á að allir fengu medalíu með þökkum fyrir veturinn en ekki hefur verið hafður sá háttur á hjá Sóta að veita einstökum aðilum viðurkenningar. Hins vegar hefur íþróttamaður Sóta yfirleitt verið úr röðum æskunnar og er þá stigahæsti einstaklingurinn heiðraður.  Síðan var imprað á fyrirkomulagi næsta árs og leitað eftir hugmyndum hjá börnunum um hvað þau vildu gera.  Að lokum var farið í rútu í skemmtigarðinn þar sem strákar öttu kappi á móti stelpum í laser-tag og allir fengu pizzu á eftir.  Gaman hefði verið að sjá fleiri mæta en þeir sem mættu skemmtu sér vel og hlakka til komandi veturs!   .......í nýju gerði!   

Æskulýðsnefnd Sóta er nú komin á Facebook  .  Endilega gerist meðlimir! 

Mikið hefur mætt á Sóta félögum í haust við að reisa nýtt reið og kennslugerði. Forsaga málsins er sú að gerðið sem var fyrir var orðið alveg fúið og við það að hrynja, og þurfti því að endurnýja það. Þar sem enginn reiðhöll er á svæðinu og ekki nógu miklir peningar til að reisa eina slíka, var ákveðið að smíða gerði sem myndi a.m.k. verjast vindinum sem er oft á mikilli ferð á Álftanesinu.

Ráðist var í að smíða heilklætt gerði (20×40) og var Jörundur Jökulsson ráðinn verkefnastjóri. Unnið hefur verið öll þriðjudags- og miðvikudagskvöld frá því í byrjun september en síðasta laugardag var loksins komið að því að klæða herlegheitin. Þrátt fyrir glampandi sól var nístandi norðangarri og kom því gerðið strax að góðum notum, því eftir því sem klætt var meira, varð meira skjól!

Gerðið er 2,10 á hæð og hefur því þurft að stífa það vel af. Að norðanverðu voru settir upp áhorfendastæði, geymsla og lítið gerði til stífingar. Austan megin var sett upp veglegt “íhald” og sunnanmegin fjórir 2ja tonna steypuklumpar.

Nú eru aðeins lokafrágangur eftir s.s.að smíða hliðin, lokatiltekt ofl. Unnið verður í þessari viku.

Öllum sem komið hafa að gerðinu, að einum eða öðrum hætti, eru þökkuð vel unnin störf en stefnan er að bjóða öllum í óvissuferð við fyrsta tækifæri! Það sem stendur uppúr er hvað þetta er búið að vera skemmtilegt og góður andi meðal Sóta félaga.

Næsta laugardag, 17. nóv, ætla Sótafélagar að koma saman og klæða flotta gerðið okkar. Æskulýðsnefnd hvetur polla, börn, unglinga og ungmenni til að mæta kl., 11:00, safna í "brennu", taka til á svæðinu og hjálpa til. Við munum svo grilla pylsur og sykurpúða og hafa það skemmtilegt. Upplagt tækifæri til að láta gott af sér leiða og hitta hestafélagana!

Æskulýðsnefnd Sóta er nú komin á Facebook

Frést hefur af nokkrum sem eru að leita sér að hesthúsplássi á Álftanesi í vetur.  Algengast er að verið sé að leita að plássi fyrir 1-3 hesta.  Ef einhver vill leigja pláss í vetur, eða veit um einhvern, þá vinsamlega hafið samband við Steinunni í s: 898-8903 eða senda póst á soti@internet.is 

Nú er komið að því!  

Hér með eru ALLIR Sótafélagar, nær og fjær, og þeir sem vettlingi geta valdið, boðaðir í klæðningu á flottasta gerðinu á landinu,LAUGARDAGINN 17. nóvember. 

Mæting í félagshúsi Sóta kl. 10:00 (þeir sem vilja morgunverð mega mæta kl. 09:30). Ath að veðurspáin er góð fyrir daginn - þessu verður einungis frestað ef það verður aftakaveður. 

Þeir sem eiga borvél eru vinsamlega beðnir um að mæta með hana í byssuslíðrinu. 

UPP MEÐ GÓÐA SKAPIÐ, KRAFTINN, SAMHELDNINA OG SKEMMTILEGHEITIN.  
Nú tökum við höndum saman og klárum gerðið - whoop whoop! 

Hlakka geðveikt mikið til að sjá ykkur öll! 
Kveðja 

Frú stoltur Sóta formaður 

p.s. Vinnumönnum verður séð fyrir mat - ath það vantar líka hendur í matargerð :-)  

p.p.s.  Hver veit nema frú formaður bjóði uppá einn kaldann á kantinum ef vel gengur.......