Keppnisnámskeið 
Kennari:  Atli Guðmundsson 
Samtals: 6 tímar.  2 fyrir íþróttamót og 4 fyrir gæðingakeppni 
Fyrstu tímar eru: Laugardaginn  4. maí og sunnudaginn 5. maí kl. 10:30.  
Tímar fyrir gæðingakeppnina verða í samráði við Atla 
Einkatímar á vellinum (eða gerði) 15 mínútur fyrir hvern nemanda 
verð:  6.000.- per barn 

,,Að koma sér af stað" námskeið 
Kennari:  Jóna Guðný Magnúsdóttir 
Samtals:  6 tímar
Verð:  5.000.- per barn 
Kennsla fer fram í gerðinu og verður eftir þörfum hvers og eins. Teymt undir þeim sem vilja
Námskeiðið er sniðið fyrir þá sem hafa lent í óhappi en vilja koma sér af stað aftur. Farið verður í grunnkennslu. Námskeiðið endar með grillveislu og skemmtilegheitum. 

Mótanefnd hefur ákveðið að fresta fyrirhugaðri firmakeppni, sem vera átti á dagskrá laugardaginn 27. april, til föstudagins 3. maí.  Keppnin verður að öllum líkindum haldin kl. 19:30 og síðan bjórkvöld í félagsheimilinu á eftir. Þetta gefur einnig félagsmönnum lengri tima til að safna firmastyrkjum!

Kæru Sótafélagar.

Þar sem sumarið er að koma á nesið fagra þá er komið að hinum stórkostlega ratleik okkar í Sóta. Sumardaginn fyrsta þann 25. apríl kl. 12:00 er mæting í félagshús og mun ratleikurinn vera með svipuðu sniði og áður en þó með breyttum áherslum ;)

Æskilegt er að þátttakendur komi með myndavélar, allavega partur af þátttakendum. Gott væri að vita fjölda svo að skipulagning gangi betur. Skráning fer því fram í netfanginu [email protected]
Það verða svo grillaðir  hamborgarar að leik loknum.

Hlökkum til að sjá ykkur öll og fleiri til
Sumarkveðja
Ennþá skemmtilegasta ferða- og skemmtinefnd ever

Þetta verður LEGENDARY

Þar sem óvissuferðir síðustu tveggja ára hafa tekist vel með mikilli þáttöku, þá ætlum við að færa okkur skrefi ofar og gista eina nótt að þessu sinni. 

Föstudagur 19.april: Lagt af stað frá félagshúsi Sóta kl. 18:00 í Bjössa rútu og ekið til hestabúgarðsins Kjóastaða, sem er miðja vegu milli Gullfoss og Geysis. Komið sér fyrir í kósý sumarhúsum og síðan sameiginlegur kvöldverður í uppgerðri hlöðu og kvöldvaka.  Á bænum eru kindur, hundur, köttur, hænur ofl. 


Laugardagur 20. april:  Morgunverður og fræðsla um hesta (í staðinn fyrir fræðslukvöld). laugardagurinn er óvissudagur en að venju munum við gera eitthvað spennandi og skemmtilegt sem fær börnin til að brosa, hlæja og þjappa sér saman. 

Þar sem við höfum verið dugleg að safna þá mun þetta kosta aðeins kr. 3.000.- per barn!

Innifalið: 
- Rúta í 2 daga 
- Svefnpokagisting á Kjóastöðum 
- Kvöldverður, morgunverður og hádegisverður 
- Fræðsla (hestatengt), heimsóknir (hestatengdar) og ævintýri 

Foreldrar eru að sjálfsögðu velkomnir en það kostar 8.000.- fyrir foreldri (fyrir utan ævintýrið á laugardeginum.....) 

Vinsamlega skráið ykkur sem allra fyrst (í síðasta lagi 15. april), hér: 

 Þriðju og síðustu vetrarleikarnir fara fram á velli félagsins, laugardaginn 13. april kl.13:00 


Keppt verður í tölti þar sem riðið er hægt tölt og fegurðartölt. Nokkir inná í einu. 


Flokkar 
Börn 
Unglingar 
Fullorðnir (18 ára eldri) 

Öllum er velkomið að keppa, hvort sem þeir hafa verið í liði eða ekki og mótið er galopið í alla enda :-)  
Skráning hefst kl. 12:00 í félagshúsi - verð 1000 kr per keppanda 
Liðakeppnin verður æsispennandi en einungis munar  einu stigu á efsta og næst efsta liðinu.  Staðan í liðakeppninni er þannig: 

1. Sex               16. stig
2. Villikettirnir     15. stig 
3/4; Villimennirnir 12 stig 
3/4:  Jörundarfjós  12 sig 
5. Breiðir Frakkar   6 stig  

Æskulýðsnefnd mun sjá um veitingar. Betra að koma með íslenska seðla og myntir (ekki er tekið við kortum) 

Mætum öll og höfum gaman!  Góugleðin verður síðan haldin um kvöldið - Mikið fjör! 

Kveðja 
Mótanefnd

 Kæru Sótafélagar

Nú er dagskrá Góugleðinnar farin að skýrast og að sjálfsögðu munum við fylla húsið eins og undanfarin ár... Þann 13. apríl mun gleðin fara fram nánar tiltekið kl. 20.30 í félagshúsi Sóta. Miðaverð verður 3000 kr.
Skráning fer fram hjá Halla á netfangið [email protected].  Skemmtidagskrá mun vera með svipuðu sniði og áður, öll hús koma með sitt atriði og mega hafa þau fleiri en eitt.

 

Nánari upplýsingar munu berast síðar.
Hin einstaklega skemmtilega ferða- og skemmtinefnd Sóta

Fjölmenni mætti á opið hús hjá Sóta sem haldið var í tengslum við Hestadaga í Reykjavik. Það dugðu ekki færri en 5 hestar í teymingu og fóru margir krakkar aftur og aftur og skemmtu sér prýðilega. Kjötsúpan kláraðist á fyrstu 40 mínútunum og því nokkrir sem urðu að láta sér duga kaffisopa. Krakkarnir voru mjög spennt yfir hestafótboltanum og létu eins og á landsleik væru og hvöttu knapa og hesta til dáða. Enda nýja stúkan troðfull!  Því miður sprakk boltinn eftir 5 mínutna 0-0 leik en í staðinn sýndu leikmenn gangtegundir íslenska hestsins. Veður var gott framan af en eftir að tók að rigna fækkaði gestum.  Takk fyrir komuna Álftnesingar! (nokkrar myndir a Facebook síðu Sóta)

Í tilefni af Hestadögum i Reykjavík er opið hús hja Sóta á morgun, föstudag fra 17-19. Teymt undir börnum fra 17-18, hestafótbolti í gerðinu kl 18. Kjötsúpa, kaffi og Svali i boði. Allir Álftnesingar og Garðbæingar velkomnir!

EIns og þið hafið vonandi tekið eftir á hestamiðlunum þá eru Hestadagar í Reykjavik að skella á í vikunni. Við þurfum á ykkar hjálp að halda við eftirfarandi: 

Miðvikudagur 3. april (á morgun!) 
Hreinsunardagur í hverfinu okkar frá kl. 18-19:00.  Jói ætlar að reyna að fá kerr/gám til að henda rusli í.  Ní tökum við höndum saman og gerum fínt í kringum okkur þ.e.a.s. í kringum húsin, á kerrustæðionu, planinu ofl. 

Fimmtudagur 4. apríl 
Allir velkomnir á setningarhátíð í Ráðhúsi Reykjavíkur á milli 16-17:00. Léttar veitingar í boði og gaman að hitta aðra hestamenn.  Upplagt að koma við á leiðinni úr vinnunni. 
Áframhaldandi hreinsunardagur frá kl. 19-20:00.  Hreinsað í kringum gerðin og við félagshúsið. 

Föstudagur 5. apríl
Opin hús fyrir gesti og gangandi frá kl. 17-19:00.  Þeir sem vilja hafa húsin sín opin fá blöðrur til að hengja út. Gott að hafa kaffi á könnunni. 

Teymt verður undir börnum frá kl. 17-18:00 í hverfinu og eru allir beðnir um að rétta hjálparhönd. Ekkert mál að teyma undir í ca 15 min hver en mikil mál fyrir einn að teyma allann tímann. Allir hvattir til að taka þátt og sérstaklega meðlimir æskulýðsnefndar :-) sem og unglingar og ungmenni,. 

Boðið verður uppá rjúkandi heita kjötsúpu fyrir gesti (í boði Kænunnar) + kaffi og svali fyrir börnin.  Þetta verður sett upp inn í hverfinu. 

Hestafótboltakeppni í gerðinu kl. 18:00. 

Laugardagur 6. april
Skrúðreið.  Riðinn hringur í miðbænum - rosa gaman!  Allir velkomnir með (fet reið) og félagar hvattir til að taka þátt. Lagt af stað frá Sóta kl. 12:00 og helst að mæta í Sóta merktum fatnaði ef þið eigið. Því fleiri, því betra.  Þetta er ótrúlega gaman og við verðum komin aftur á nesið um kl. 14:30 svo nægur timi til að riða út líka.

Vetrarleikar 6 apríl - töltmót 
Vegna hestadaga hefur vetrarleikum nr 3 verðið frestað til 13. april. Nánar auglýst síðar.