Þrátt fyrir að enn eigi eftir að taka inn í nokkur hús er komið líf í hverfið og hestamenn í Sóta hvergi bangnir fyrir komandi vetri. Heyrst hefur á kaffistofum að menn,konur og unglingar séu nú ýmist nýbúnir að kaupa sér nýja keppnishesta eða á leiðinni í verslunarleiðangur. Nokkir Sótafélagar ku hafa farið í Skagafjörðinn nýverið og gengið frá kaupum á nokkrum stólpagæðingum. Aðrir hafa látið sér nægja ferð í Hafnarfjörðinn og komið heim með nýtt hross á kerru. Nú bíða menn bara spenntir eftir mótum vetrarins svo hægt verði að dást að hágengum og viljugum keppnishestum Sótafélaga. Er annars ekki Landsmót í sumar? 

Athugið að allir sem eru á reiðnámskeiðum og eru á aldrinum 5-18 ára eiga rétt á hvatapeningum frá Garðabæ.  Núna eru t.d. 3 stelpur á Knapamerkjanámskeiði hjá Sörla og vefstjóri hvetur foreldra að sækja um.  Einnig veitir Sóti styrk vegna knapamerkja.  Hér má finna upplýsingar um hvatapeninga.

Það er smám saman að færast líf í hesthúsahverfið og flestir farnir að þjálfa gæðingana. Heyrst hefur á kaffistofum að menn séu almennt mjög ánægðir með hey í vetur og finnst sumum það jafnvel of sterkt enda hrossin í miklu stuði og virðast hafa næga orku.  Hins vegar er upplagt að láta efnagreina heyið sem verið er að nota og birtum við hér með auglýsingu frá Efnagreiningu að þeirra beiðni.

Nú hefur æskulýðsnefnd einnig skilað inn dagskrá fyrir veturinn og er ekki annað hægt að segja en þar sé metnaðarfull dagskrá á ferð. Á spilakvöldi nefndarinnar voru börnin beðin um að koma með hugmyndir og tók stjórn æskulýðsnefndar tilllit til óska þeirra.  Meðal atriða má nefna þrautabraut, heimsókn til tamningamanns, skautaferð o.fl. Síðast en ekki síst er stefnt á æskulýðsdag Sóta á Álftanesi þar sem öllum börnum á Álftanesi er boðið uppá spennandi dagskrá!  Lesa má dagskrána hér (undir read more)

Það er greinilega allt að gerast hjá Sóta!  Ferða- og skemmtinefnd var fyrir löngu síðan búin að senda inn sína dagskrá en því miður hafði hún ekki komist í hendur vefstjóra.  Það er gaman að sjá að kynjareiðin verður aftur á dagskrá næsta vor, og hver veit nema fleiri  folöld verði búin til þá?  Lumar ekki einhver á efnilegum stóðhesti?  Svo er um að gera að halda föstudagspartý í hesthúsinu - það eiga margir eftir að gera ennþá....t.d. á eftir að halda einhver reisugilli...... Og svo er spennadi að að fara og heimsækja ræktunarbú.   En dagskrá F&S er sem hér segir: 

 Mótanefnd hefur skilað inn dagskrá vetrarins og eins og venjan er hjá Sóta þá er eitthvað nýtt og spennandi hjá mótanefnd!  Má þar t.d. nefna boltaleik, bogfimi og hindrunarstökk.  Það verður spennandi að fylgjast með æfingum og eins gott að að örvarnar hitti ekki neinn í hjartastað (nema örvar Amors.....)   Athugið að ALLAR keppnir vetrarins verða opnar þannig að við hvetjum knapa úr öðrum félögum að koma og etja kappi við Sótafélaga.  Allar skráningar, líka á vetrarleika, fara í gegnum Sport Feng. En hér má sjá dagskrá og fleira frá  mótanefnd (undir read more)