Nú styttist í fyrstu vetrarleikana. Fyrirkomulagið verður með heldur óvenjulegu sniði miðað við undanfarin ár og er tilgangurinn með því að fá sem flesta til að mæta og hafa gaman og leika sér svolítið saman.   

Fyrsta mót sem fer fram þann 9. febrúar næstkomandi verður í því sem viljum láta heita SMALA og fer fram í gerðinu nýja. Um er að ræða liðakeppni þar sem fjórir keppa saman í liði og safna stigum. Þetta er keppni sem hvorki verður aldurs eða kynjaskipt þannig að nú er tækifæri fyrir alla að hóa saman í lið og keppa á jafnréttis grundvelli

Nú nýverið fengu Sótafélagar að gjöf endurskinsvesti sem Tryggingamiðstöðin var svo elskuleg að láta okkur í té. Krummi í TM afhenti Steinunni formanni vestin við hátíðlega athöfn. 
Eins og við vitum öll að þá er afar mikilvægt að við sjáumst vel þegar við erum á útreiðum einkum og sér í lagi í svartasta skammdeginu. Dökkklæddur knapi á dökkum hesti sést afar illa á dimmum vetrarkvöldum og þó svo okkur finnist við vera úti í sveit hérna á Álftanesinu megum við ekki gleyma því að hérna getur verið töluverð umferð. Það er í okkar valdi að gera okkur sýnileg fyrir ökumönnum og eins er gott að vera vel sýnilegur öðrum knöpum þegar við erum að mætast á reiðstígunum okkar. 
Við þökkum Tryggingamiðstöðinni af alhug fyrir þessa góðu gjöf og hvetjum um leið alla til að nota vestin. Við sjáumst ekkert betur ef vestið er skilið eftir heima í hesthúsi. 

Meðfylgjandi mynd var tekin þegar Krummi afhenti Steinunni formanni vestin í hesthúsi formannsins. 

Vestunum verður dreift í hesthúsin á næstu dögum. 

Sótadagatalið 2013 er komið út!  Dagatalið er til sölu hjá Þóreyju og kostar aðeins kr. 2000. Endilega hvetja ömmu og afa til að kaupa líka! (hægt að fletta hér)  Allur ágóði rennur til æskulýðsmála hjá Sóta.  Upplagt að hengja upp í hesthúsinu! 

Einnig er hægt að prenta út vetrardagskrána - sjá hér 

Það er hefðbundið að fresta fyrsta dagskrárlið í nýrri vetrardagskrá.......Skv. dagskrá á að vera bökunadagur á vegum æskulýðsnefndar í kvöld en ákveðið hefur verið að fresta því til næstkomandi laugardags.

Æskulýðsnefnd býður börnum á öllum aldri að koma og búa til a) hestanammi fyrir hestana sína og b) flatkökur handa fjölskyldunni laugardaginn 2. febrúar kl. 10:30 - 12:00. Það þarf bara að mæta með svuntu, plötu fyrir hestanammið (bakað heima) og góða skapið. Boðið verður uppá rjúkandi heitar flatkökur með smjöri og drykki að bakstri loknum. Hvetjum eldri krakkana til að koma og læra að gera þjóðlegar flatkökur og slá svo í gegn heima fyrir næstu jól! 

Fyrsti tíminn á reiðnámskeiði æsn með Jelenu Ohm er þriðjudaginn 29. janúar.  Allir nemendur mæti í gerðið kl. 17:30.  Þeir sem eru skráðir eru:

Margrét Lóa Björnsdóttir
Davíð Scheving Torsteinsson
Hekla Scheving Torsteinsson
Kristófer Róman Kolbeins
Dagrún Sunna Ágústsdóttir
Böðvar Breki Guðmundsson
Christian Már Einarsson
Birna Filippía Steinarsdóttir

Eins og glöggir menn hafa tekið eftir þá eru nokkrar fréttir af reiðvegamálum.  Búið er að gera nýjan og betri reiðveg meðfram Tjarnarbrekku og færa hann frá akvegi.  Við fengum 500 þus styrk frá reiðveganefnd LH til að gera þennan veg.  Í dag á eftir að bera ofan í nyrsta hlutann en það verður búið í vikunni. 
Garðabær hefur lagfært akveginn meðfram Kasthúsatjörn sem er frábært fyrir okkur!  Einnig hafa verið settar nýjar perur í ljósastaura inn í hvefið okkar sem og holur lagfærðar. 
Búið er að setja sand í gerðið okkar og er það tilbúið til kennslu enda hefjast tvö reiðnámskeið í vikunni.

Vetrardagskrá 2013 er loksins tilbúin - sjá hér.  Á morgun verður tilbúið dagatal æskulýðsnefndar þar sem einnig má finna dagskrá félagsins. Dagatalið er með myndum af börnum í félaginu og mun kosta 2000.- krónur og rennur ágóðinn óskiptur til æskulýðsmála hjá Sóta. Nauðsynlegt dagatak í öll hesthús! 

Stefnt er að því að bjóða uppá almennt reiðnámskeið hjá Atla Guðmundssyni, sem byrjar í lok þessa mánaðar.  Námskeiðið verður með svipuðu fyrirkomulagi og inní Sörla, þ.e. tveir og tveir saman. Hver tími er 40 mín.
Reiðkennari áskilur sér rétt í að flytja til í hópunum eftir því hvaða hestar passa best saman.  Kennt verður 2-3 sinnum í mánuði, eftir vinnu á fimmtudögum, 6-8 skipti. Eftir á að ákveða verð á námskeiðinu, en gera má ráð fyrir svipuðu verði og inní Sörla, þ.e. kr. 3.800,-- á tímann. 

Vinsamlegast sendið skráningu á haraldur@aikman.is fyrir 20. janúar, þannig að hægt verði að raða niður í tíma.

F.h. fræðslunefndar.

Haraldur Aikman

896 6577  

Athugið að nú geta Sótakrakkar fengið hvatapeninga frá Garðabæ ef þau stunda reiðnámskeið á vegum félagsins (eða hjá öðrum félögum)  Best að hafa samband við skrifstouHvatapeningar ársins 2013 eru 27.500 krónur á barn. Öll börn á aldrinum 5-18 ára fá nú hvatapening, þ.e. börn fædd á árunum 1995-2008.

Reiðnámskeið á vegum æskulýðsnefndar í vetur verða sem hér segir:

Almennt reiðnámskeið - 8 tímar
Kennt verður einu sinni í viku, á þriðjudögum (eftir kl. 17:00)  og laugardögum (sitthvora vikuna)
Kennari:  Jelena Ohm
Skipt verður upp í getu og/eða aldursshópa.  Lögð verður áhersla á ásetu og stjórnun en námskeiðið er fyrir alla, frá byrjendum til lengra komna.
Kennsla fer fram í gerðinu (Sóta Skjóli).
Kennsla hefst laugardaginn 26. janúar
Verð: 5.000.-
Skráning hér eða senda póst á sóti@internet.is

Framhaldsnámskeið - 8 tímar
Apríl og maí
Kennari: Jelena Ohm 
Fyrir alla en hentar vel fyrir þá sem taka þátt í almennu reiðnámskeiði.
Kennsla fer fram í gerðinu
Nánar auglýst síðar

Pollanámskeið - 6 tímar
Apríl og maí
Kennsla fer fram í gerðinu
Þátttökugjaldi verður stillt í hóf
Nánar auglýst síðar

Keppnisnámskeið - 8 tímar
Apríl og maí
Kennari:  Atli Guðmundsson og/eða Sindri Sigurðsson
Þátttökugjaldi verður stillt í hóf
Kennsla fer fram í gerðinu
Nánar auglýst síðar