Blog Archives

Flottur dagur hjá Sóta

4/30/2022

Pollarnir - framtíð Sóta. (mynd: Valdís Anna Valdimarsdóttir)

Firmakeppni Sóta fór fram í logninu á Álftanesi í dag, laugardaginn 30.april. Að þessu sinni bauð mótanefnd uppá flokkaskiptingu í minna og meira vanir til að hvetja minna keppnisvana að spreyta sig á jafnréttisgrundvelli. Þrátt fyrir litla skráningu í minna vönum gekk mótið vel og fín þáttaka í meira vönum. Brynja Þorgeirs sló í gegn sem þulur og Gulli vöfflusnillingur bauð uppá ljúffengar vöfflur . Óli Pétur dómari gaf sína vinnu til styrktar unglingastarfi í Sóta. Vel gert og takk fyrir allir!

Úrslit urðu þannig:

0 Comments

Tiltekt í hverfinu 1.maí

4/29/2022

0 Comments

Á sunnudaginn milli 10 og 14 er fyrirhugað að taka saman höndum og fegra umhverfið á svæði Sóta. Til reiðu verða ruslapokar og búið að koma fyrir ruslagámi í því skyni á svæðinu. Jörundur formaður hefur lofað okkur að boðið verði upp á næringu og aðra hressingu fyrir alla þá sem hjálpa til við tiltektina. Framundan eru mót og vígsla reiðhallarinnar okkar og því er svo miklu skemmtilegra að við hjálpumst að við að hafa allt hreint og snyrtilegt.

0 Comments

Kynning á sumarferð á Löngufjörur

4/27/2022

0 Comments

Kynning á mjög spennandi sumarferð á Löngufjörur (4-6 júní) verður n.k. laugardag, 30 april kl. 16:00 (eftir firmakeppnina)

Við þökkum einnig fyrir góða þátttöku í skoðanakönnunni sem við gerðum um daginn - greinilega margir spenntir fyrir ferðinni!

Mótanefnd mun bjóða uppá vöfflukaffi eftir firmakeppnina þ.e.a.s. á meðan við bíðum eftir kynningarfundinum. Tilvalið tækifæri að spjalla og skipuleggja.

Kveðja frá ferða- og skemmtinefnd

0 Comments

Firmakeppni 30. april

4/26/2022

0 Comments

Firmakeppni Sóta verður haldin laugardaginn 30 apríl kl 14.

Keppt verður í eftirtöldum flokkum:
Pollar teymdir eða ríðandi - 9 ára og yngri
17 ára og yngri - minna keppnisvanir
17 ára og yngri - meira keppnisvanir
18 ára og eldri - minna keppnisvanir
18 ára og eldri - meira keppnisvanir

0 Comments

Viltu taka þátt í Dymbilvikusýningu Spretts með þína ræktun?

4/10/2022

0 Comments

Stjórn Sóta auglýsir eftir félagsmönnum sem vilja sýna sína eigin ræktun á Dymbilvikusýningu Spretts, miðvikudaginn 13. april. Að venju verður keppni milli félagann á Suðvestur horninu og það væri gaman ef Sóti væri með. Áhugasamir hafi samband sem allra fyrst við Jörund formann í s.: 898-2088
Meiri upplýsingar um sýninguna - sjá hér

0 Comments

Flottur dagur hjá Sóta

Tiltekt í hverfinu 1.maí

Kynning á sumarferð á Löngufjörur

Firmakeppni 30. april

Viltu taka þátt í Dymbilvikusýningu Spretts með þína ræktun?

Sóti

Eldri fréttir