Alltaf gott að minna á umferðarreglur hestmanna

1. Hestamenn víkja til hægri á reiðleiðum.
2. Hestar sem eru teymdir skulu ávallt vera hægramegin og ekki fleiri en tveir ( þrír til reiðar ).
3. Reiðhjálmar eru sjálfsögð öryggistæki.
4. Endurskinsmerki í skammdegi veita hestum og mönnum aukið öryggi.
5. Lausir hundar eru ekki leyfilegir á reiðleiðum og í hesthúsahverfum.
6. Áfengi og útreiðar fara ekki saman.
7. Sýnum tillitsemi, ríðum ekki hratt á móti eða aftanundir aðra reiðmenn.
8. Fari margir hestamenn saman í hóp skal ríða í einfaldri röð ef umferð er á móti.
9. Ríðum á reiðvegum og slóðum þar sem því verður viðkomið.
10. Teymum hesta, rekstrar eru bannaðir í þéttbýli.

Landssamband hestamannafélaga
Ferða- og samgöngunefnd.

Stjórn Sóta minnir á aðalfundinn þriðjudaginn 26 nóv. í félaghúsi.  Fundurinn hefst stundvíslega kl. 20:00 
Á dagskrá eru venjuleg aðalfundarstörf þar sem m.a. verður kosinn nýr formaður og tilnefningar í stjórn og nefndir - ekki missa af því! 

Einnig verður krýndur íþróttamaður Sóta 2013, auk þess sem ræktunardeildin mun útnefna ræktunarmann Sóta 2013 og veitt verða verðlaun fyrir hæst dæmda hrossið í eigu Sóta félaga. 

Kaffiveitingar verða í boði fráfarandi formanns - heimalagað gúmmúlaði :-)  

Ekki missa af spennandi aðalfundi - hlökkum til að sjá ykkur!  
Kveðja 
Stjórnin 

Það var heldur fámennt á uppskeruhátið æsn Sóta í góða veðrinu í gær en gaman hefði verið að sjá fleiri krakka mæta. Þar sem við erum hestamannafélag þá ákvað nefndin að þessu sinni að fara í stuttan reiðtúr.

Farið var með Bjössa rútu frá félagsheimilinu og ekið að Íshestum þar sem krakkarnir fengu að leika túrista, fara á hestbak og æfa sig í ensku. Hestarnir voru við allra hæfi og var hópnum skipt upp þ.e.a.s. þeir sem vildu fara hratt og þeir sem vildu fara hægt. Allir fóru á bak og gekk öllum mjög vel . 

Eftir útreiðartúrinn var boðið uppá heitt kakó, pizzu og kók og allir fengu viðurkenningar frá Sóta og gjöf frá Íshestum. Á heimleiðinni var komið við í Kaldárseli en því miður var aparólan þar biluð . (myndir á facebook síðu æsn) 

Uppskeruhàtíð æskulýðsnefndar verður n.k.laugardag, 23. Nóv. Mæting við félagshús kl 12:20. Það verður hestaþema þannig að það er gott ad vera vel klæddur. Rúta og pizza ofl.  Hlökkum til að sja ykkur.

Aðalfundur Sóta verður haldin þriðjudaginn 26. nóvember í félagshúsinu. 

Á dagskrá eru venjulega aðalfundastörf þar sem m.a. nýr formaður verður kosinn.  
 
Nefndarstörf
Að venju mun stjórnin vera með tillögur að nefndum á aðalfundi.  Það væri mjög gott að heyra í ykkur, kæru félagar, hvort þið hefðuð áhuga á: 
a) Að halda áfram að starfa í þeirri nefnd sem þið eruð núna 
b) Að hætta í þeirri nefnd sem þið eruð núna 
c)  Að skipta um nefnd 
b) Að byrja í nýrri nefnd (nýjir félagar eru hvattir til að gefa sig fram!)  
 
Ef ekkert heyrist frá ykkur, þá lítum við svo á að þú sért tilbúin að koma og starfa með okkur í vetur, enda megum við ekki gleyma því að það erum við félagarnir sem höldum félaginu gangandi - það gerir enginn annar fyrir okkur.