Kæru Sótafélagar,

Eftirfarandi er dagskrá afmælishátíðar Sóta laugadaginn 29. mars.

Hátíðin hefst kl 13 við félagshús okkar með stuttum félagsreiðtúr, þar sem riðinn verður hringurinn, þ.e. Suðurnesvegur og Breiðumýri.  Lagt af stað kl 13:15.  Gaman væru er þeir sem hafa tök á að mæta í hátíðarbúnng Sóta, gerðu það.  (svartar buxur, svartur jakki, hvít skyrta, eldrautt bindi).

Að loknum félagsreiðtúr og ávarp formanns, býður Sóti uppá kaffi og veitingar í félagsheimilinu.

Í gerðinu verður svo sett upp þrautabraut fyrir börn á öllum aldri til að spreyta sig.

Þetta verður góð upphitun fyrir kvöldið.

Vonumst til að sjá sem flesta.

Stjórnin

Kæru núverandi og fyrrverandi Sótafélagar,


Nú er komið að 25 ára afmælisgleði Hestamannafélagsins Sóta og munum við því blása til stórveislu á laugadaginn kemur, þann 29. mars.

Kvöldið hefst með fordrykk í félagshúsi okkar að Breiðumýri kl 19:30, áður en við haldið verður í veislusal Íshesta við Sörlaskeið þar sem gleðin fer fram.

Þar munu kokkar staðarins töfra fram dýrindis veitingar, en matseðillinn er eftirfarandi:

Humarsúpa
Lamba og kalkúnahlaðborð
Heit súkkulaðikaka

Hin landsþekkti Siggi Haukur mun stýra veislunni og mun Magnús Kjartansson sjá um að stýra fjöldasöng og halda uppi brjáluðu stuði fram á nótt.

Heimatilbúin skemmtiatriði að hætti Sótafélaga.

Verð fyrir herlegheitin er aðeins kr. 4.900,-- á mann og þema kvöldsins er ekki flóknara en snyrtilegur klæðnaður.

Hvetjum alla til að fjölmenna og taka gesti með sér, en skráning fer fram á netfangið [email protected].  Síðasti skráningardagur er miðvikudagurinn 26. mars.

Hin einstaklega skemmtilega ferða- og skemmtinefnd Sóta

Bingóbröns

Minnum á Bingóbröns æskulýðsnefndar sem verður haldið í sal Álftanesskóla sunnudaginn 23.mars næstkomandi kl.11.00.
Flottir vinningar í boði og ljúfmeti á vægu verði.

Félagsgjöld 2014

Nú er verið að senda út félagsgjöld fyrir árið 2014 og munu þau birtast í heimabanka viðkomandi.

Eitthvað er um ógreidd félagsgjöld frá fyrra ári og eru félagsmenn hvattir til að gera þau upp hið fyrsta eða senda tölvupóst á [email protected] ef viðkomandi er hættur í félaginu.

kveðja
Elísabet /gjaldkeri

Reiðnámskeið

Karen Emilía Woodrow mun verða með reiðnámskeið fyrir börn og unglinga eftir páska. Nánari tímasetningar verða auglýstar síðar en áhugasamir sendi tölvupóst á [email protected] og skrái þau börn sem hafa áhuga á að nýta sér það.

Atli Guðmundsson mun sjá um keppnisnámskeið barna, unglinga og ungmenna fyrir Íþrótta- og gæðingakeppni. Áhugasamir skrái sig á netfangi Sóta hér fyrir ofan.

Þá stendur félagsmönnum Sóta einnig til boða að sækja þau námskeið sem í boði eru hjá Sörla og hvetjum við þá sem hug hefðu á því að athuga það sem fyrst þar sem fyrstir koma fyrstir fá.
Upplýsingar á sorli.is

Kæru nefndarmeðlimir Sóta.

Næstkomandi föstudag ætlum við að hittast í félagsheimilinu kl. 17:30 og skipta liði vegna tiltektar í félagsheimilinu og á vallarsvæðinu. Félagið býður upp á pizzu og tilvalið að taka góð og kæld drykkjarföng með. Vonum að sem flestir nefndarmeðlimir sjái sér fært að mæta - margar hendur vinna létt verk ! Allir Sótafélagar velkomnir. Hlökkum til að eiga góða kvöldstund með ykkur.

Kveðja - Stjórnin. 

Kæru Sóta félagar,

 Ákveðið hefur verið að hætta að senda sms vegna viðburða hjá félaginu. Við hvetjum ykkur því til að fylgjast með á facebook síðu félagsins sem og heimasíðunni.

Hér koma nokkrar dagsetningar sem er mikilvægt að hafa í huga, margt skemmtilegt framundan:

föstudagurinn 21. mars - tiltektardagur á félagssvæði og í félagsheimili.
sunnudagurinn 23. mars - bingó brunch æskulýðsnefndar
laugardagurinn 29. mars - 25 ára afmælishátíð Sóta
3. - 5. apríl Hestadagar

Enn fremur viljum við láta ykkur vita að unnið er að því að gera reiðstígana betri og biðjum við ykkur að sýna þolinmæði og umburðarlyndi á meðan á þessari vinnu stendur.

Bestu kveðjur,

stjórnin

Kæru Sótafélagar - nú styttist í 25 ára afmæli félagsins og af því tilefni viljum við biðja ykkur að finna myndir sem þið eigið í fórum ykkar úr félagsstarfinu í gegnum árin. Þið megið gjarnan senda þær á Steinunni Guðbjörnsdóttur ([email protected]). Svo er um að gera að taka laugardaginn 29. mars frá því þann dag fögnum við afmælinu og endum svo með Góugleðinni um kvöldið.
Stjórnin

Kæru Sótafélagar,

Aðrir vetrarleikar Sóta verða haldnir næstkomandi laugardag, þann 8. mars, kl. 13.  Keppt verður í þrígangi, þ.e. með sama fyrirkomulagi og sérstök forkeppni. 

Þrír keppendur verða inná í einu og verður riðið eftir þul, hægt tölt, brokk og fegurðartölt.  Keppt verður í kvennaflokki, karlaflokki og 16 ára og yngri.

Skráning verður í félagshúsinu okkar á laugardaginn milli kl 11 og 12 og er skráningargjald kr. 1000,-- per hest.

Kveðja,

Mótanefndin

Nú styttist í öskudaginn. Æskulýðsnefnd vill því minna öll börn og unglinga á öskudagsreiðina sem hefst kl. 18.00 næstkomandi miðvikudag. Endilega koma í búningum og hafa gaman saman. Minnum líka húseigendur á að hafa eitthvað gott handa syngjandi börnum.

Kær kveðja,

Æskulýðsnefndin