Frú formaður boðar til félagsreiðar á morgun, föstudaginn langa.  Lagt af stað frá félagshúsi kl. 14:00 og riðið út í Bessastaðanes. Veitingar út í skansi að hætti formanns. Allir hjartanlega velkomnir með - fín upphitun fyrir laugardaginn!  Sjaumst hress - Steinka stress.

Kynbótadeildin og skemmtinefndin, í samvinnu við stjórn Sóta, blæs til spennandi kynbótaferðar, laugardaginn 30 mars. 
Lagt af stað frá félagshúsi kl. 13:00.  Heimsótt verður hrossaræktarbúið á Króki og síðan snæddur snemmbúinn kvöldverður á bæ þar sem m.a. má sjá dansandi geit, taminn krumma og ýmiss önnur furðudýr.  Svo verður örugglega eitthvað skemmtilegt að auki í pokahorninu.  Dagurinn endar á Stóðhestaveislunni í Ölfushöll þar sem hægt verður að berja augum flottustu gæðinga landsins. 
Allir velkomnir með!  Verð 4.500.- fyrir mat og rútu en svo er aukalega miði á Stóðhestaveisluna.  Ath að drykkir eru ekki innifaldir svo betra að hafa eitthvað með sér í poka til að væta kverkarnar ;-)  
Allir þeir sem komu að vinnu við gerðið okkar munu fá boðsmiða sendan heim fyrir páska (ef þið fáið ekki ekki miða en unnuð í gerðinu, þá vinsamlega látið einhvern úr stjórninni vita) 
Vinsamlega látið Gunnar Karl s: 863-3060 vita sem allra fyrst ef þið komið með þar sem við þurfum að panta miða á stóðhestaveisluna.  
Vonumst til að sjá sem flesta! 

Mikið fjölmenni mætti á bingó bröns í sal Álftanesskóla í morgun. Spilað var bingó af kappi undir styrktri stjórn Andrésar bingóstjóra og borðin svignuðu undan kræsingum. Dágóð upphæð safnaðist sem rennur óskipt fyrir æskuna í Sóta.  Æskulýðsnefnd þakkar eftirtöldum fyrirtækjum stuðninginn:
Ali fyrir beikonið
Brúnegg fyrir eggin
Kökuhornið fyrir brauðið
Fyrir bingóvinninga:
Íshestar, Hestar og Menn, Bitabær, Verkþing, Góa, Björn Erlendsson ehf, Maggý, Skessu ræktun. 
Æskulýðsnefnd auk hjálparkokkana Andreu og Guðmundi er einnig þökkuð fyrir vel unnin störf - vel gert!

Vetrarleikar Sóta nr 2. voru með svipuðu sniðu og vetrarleikar 1.(smalamót)  nema að þessu sinni voru þeir haldnir á velli félagsins. Búið var að setja upp tvær eins brautir sitt hvoru megin á vellinum og kepptu því tveir og tveir í einu.  Meðal þrauta var að færa til sverð, ríða með vatnsglas milli borða og svigreið með keilum.  Fimm lið tóku þátt og höfðu gaman af.

Úrslit urðu þannig:

Barnaflokkur:
1. Patrekur Örn Arnarsson á Perlu
2. Hanna Sól EInarsdóttir á Stjörnu

Unglingaflokkur:
1. Margrét Lóa Björnsdóttir á Klassík
2. Ólafía María Aikman á Bleik

Fullorðnir:
1. Einar Þór Jóhannsson á Júní
2. Andrea Eðvaldsdóttir á Ægi
3. Haraldur Aikman á Ljúf

Tilþrifaverðlaunin fékk Tómas Guðmundsson (sjá mynd)

Staðan í liðakeppninni er þannig:
1. Sex                 16. stig
2. Villikettirnir     15. stig
3/4; Villimennirnir 12 stig
3/4:  Jörundarfjós  12 sig
5. Breiðir Frakkar   6 stig 

Næsta mót verður 6 april og verður keppt í tölti.

Æskulýðsnefnd verður með hinn sívinsæla Bingó Bröns n.k. sunnudag 10 mars frá kl. 11-13:00 í sal Álftanesskóla.

Flottasti og ódýrasti bröns í bænum að hætti Halla Aikman. Egg, beikon og alls kyns gúmmulaði. Bingó med glæsilegum vinningum undir stjórn Andrésar bingóstjora Álftaness. Allt til styrktar æskulýðsstarfi i Sóta. 




Það kostar eftirfarandi inn: 
Bröns fyrir fullorðna: 1.500.-  (athugið að bröns á hóteli kostar ca 4.500.- ) 
Fyrir 7-17 ára: 500.- 
6 ára og yngri: Frítt 

Bingóspjald kr 250.- 

Ath. Enginn posi á staðnum en hraðbanki er í sundlauginni 


Það er búið að stofna viðburð á Facebook - endilega deilið honum til ykkar vina - það væri gaman að sjá fleiri en Sóta félaga.  Líka gott að skrá sig þar svo við vitum ca fjölda. 

Sjáumst svöng á sunnudaginn! 
Kveðja 
Æskulýðsnefnd