"Fótbolti er stórhættuleg íþrótt"

Sótaspjallið heldur nú áfram eftir sumarlangt hlé en mæðgurnar Elfur og Vigdís skoruðu síðast á Harald og Ólafíu. Þau feðgin eru miklir ferðagarpar og hafa verið Sóta félagar síðan elstu menn muna! 

Sp. Hvaða hesta verður þú með á húsi næsta vetur?
Sv: Ég, Halli, tek Flóru frá Sauðárkróki og Ólafía er að spá í Vígar frá Vatni eða Gauta frá Höskuldsstöðum.

Sp: Stefnir þú á að fara á námskeið eða sýnikennslur?
Sv: Það verður spennandi að sjá hvað verður í boði, en við eigum örugglega eftir að fara á einhverjar sýnikennslur eða námskeið.

 Sp: Fórstu í einhverjar hestaferðir í sumar?
Sv: Við  forum í tvær saman, eina úr Skorradalnum á Löngufjörur og tilbaka og svo fórum við frá Þverárhlíð í Húsafell og tilbaka í Skorradalinn.  Ég fékk það hlutverk að trússa eftir að hafa rifbeinsbrotnað í byrjun sumars.  Fótbolti er stórhættuleg íþrótt. Svo stefnum við á stutta ferð nú í september.

Sp: En hélstu einhverjum merum, ef já, undir hvaða hest(a)?
Sv: Ha ha ha.  Er löngu búinn að sanna mig sem afburða lélegur ræktandi.

Sp: Áttu uppáhalds hestalit?
Sv:  Hengill minn hafði minn uppáhalds lit, bleikálóttur og Ólafía er hrifnust af gráum og brúnum hestum.

Sp: Er eitthvað sérstakt sem þú vilt koma á framfæri?
Sv:   Bara eitthvað væmið. 😉

Sp: Hvern viltu skora á að vera næsti spjallari?
Sv:  Okkur langar til að skora á Steinunni Guðbjörnsdóttir.