Vetrarleikar 2 - Smali

Laugardaginn 6. mars fer fram keppni í smala í Reiðhöll Sóta. Smali er keppni í þrautabraut þar sem samspil knapa og hests skiptir miklu máli. Tekið er saman hjá hverju pari fyrir sig, hversu fljót þau eru að klára þrautabrautina með sem fæstar villur. Föstudaginn 5. mars verður þrautabrautin sett upp svo keppendur geti æft sig.
Búið er að opna fyrir skráningu og er síðasti skráningardagurinn miðvikudagurinn 3. mars á miðnætti. Skráning fer fram í gegnum Sportfeng og er þetta skráð sem fjórgangur V1 í kerfinu. Í boði eru eftirfarandi flokkar:

• Barnaflokkur
• Unglingaflokkur
• Ungmennaflokkur
• Kvennaflokkur (1. flokkur í Sportfeng)
• Karlaflokkur (2. flokkur í Sportfeng)

Skráningargjald fyrir barna- og unglingaflokk er 1500kr en 2000kr fyrir ungmenna-, kvenna- og karlaflokk.

Kveðja frá mótanefnd