Vetrarleikar 1 - laugardaginn 27 jan.

Laugardaginn 27. janúar n.k. fara fram vetrarleikar 1 hjá okkur í hestamannafélaginu Sóta. Leikarnir fara fram í Celsiushöllinni og hefjast kl. 13:00

Keppt er í Trek / þrautabraut og einkunn gefin fyrir samspil knapa og hests (stjórn, áseta og mýkt).

Þátttakendur hafa val um að fara eina eða tvær umferðir í gegnum brautina og gildir hærri einkunn til stiga.

Dómari verður Þorvaldur Árni Þorvaldsson.

Keppt er í tveim flokkum:
•    17 ára og yngri
•    18 ára og eldri

Skráning fer fram í félagshúsi Sóta kl. 12:00  - 12:30 á laugardeginum og er þátttaka ókeypis.

Mótanefnd mun setja brautina upp í höllinni á fimmtudagskvöldinu og verður brautin látin standa fram yfir leikana á laugardeginum.

Á föstudeginum verður höllinn opin til æfinga í brautinni og um að gera að nýta tækifærið, mæta galvösk og prófa (sjá mynd af braut og útskýringar).

Vetraleikar 1 er fyrsta mótið af þrem í Vetraleikum Sóta.
Vetraleikar 2 fara fram þann 2. mars og þá verður keppti í tölti T7
Vetraleikar 3 fara fram þann 23. mars og þá verður keppt í þrígangi.

Verðlaun eru veitt fyrir þrjú efstu sætin á hverjum leikum.

Þátttakendur safna stigum í öllum leikum og samanlögð stig gefa okkur tvo sigurvegara Vetraleika Sóta 2024 í lokin.