Stefni á að fara í Sótaferðina

Hildur skoraði síðast á Gulla ofurafa en það hefur tekið tíma að ná á kappann til að spyrja hann spjörunum úr. Gulli er morgungjafarinn í hverfinu.

Sp.  Hvað ert þú með á húsi í vetur? Hvaða hesta?
Sv: Það er náttúrulega sá jarpskjótti sem vinur minn á en ég man ekkert hvað hesturinn heitir.  Svo er ég með gæðinginn minn Vatnadís frá Vatni sem ég keypti af Jörundi. Einnig er ég með verðandi gæðinginn, folaldið Sóta frá Gaulverjabæ sem er undan Atlas frá Hjallanesi og Skvettu minni.  Ekki má svo gleyma leigjandanum sem er með 3 hesta hjá mér. 

Sp: Stefnir þú á að fara á námskeið eða sýnikennslur?
Sv:  Nei ég kann allt!
 
Sp:  Eru einhverjar hestaferðir á plani næsta sumar?
Sv: Já, ég stefni á að fara í Sótaferðina, ég læt það duga. Á ekki annars að syngja Sóta lagið?  Þarf ég ekki að mæta með gítarinn?  
 
Sp:  En á að halda einhverjum merum, ef já, ertu búin að ákveða undir hvaða hest(a)?
Sv: Já, mig langar að halda mósóttu merinni minni aftur en ég er ekki búin að ákveða undir hvaða hest hún fer.  
 
Sp:  Áttu uppáhalds hestalit?
Sv: Já, sem er eins litur og fyrsti hesturinn minn þ.e.a.s glórautt!
 
Sp:  Er eitthvað sérstakt sem þú vilt koma á framfæri?
Sv: Nei, allt er bara eins og blómstrið eina
 
Sp:  Hvern viltu skora á að vera næsti spjallari?
Sv: Ég ætla að skora á leigjandann minn, hana Ásdísi