Sjálfbærni hjá Sóta

Stöllurnar Nanna og Steina hafa ákveðið (í samráði við formann) að taka félagshúsið í gegn.  Skipt var um gólf í húsinu síðastliðinn vetur og nú ganga hestamenn á glæsilegu eikarparketi sem Jón Trausti lagði svo snilldarlega. 

​Stefnan er tekin á sjálfbærni þ.e.a.s. þær ætla að reyna að fá sem mest gefins eða fyrir lítið. Allt fyrir  

umhverfisnefnd – enga sóun!   Þær óska því eftir borðstofustólum, kringlóttum eða litlum matarborðum, mottum, chesterfield sófa, hestabókum, hestamyndum ofl.  (ath að ekki er tekið við hverju sem er) Félagsheimili Sóta á eftir að breytast í fallegt hesta-kaffihús þar sem boðið verður uppá að sitja við lítil borð eða í sófa, kíkja í hestablöð/bækur eða fylgjast með spennandi móti. 

Myndin er af rugguhesti sem Nönnu áskotnaðist á dögunum og mun verða Sótafélögum til mikillar gleði í félagshúsinu.  Hann heitir Tígull og er fyrstu verðlauna graðhestur – fótaburður og fas!

Það verður spennandi að fylgjast með þessu! ​