Reiðnámskeið! Frétt frá fræðslunefnd

Sex vikna námskeið hjá Hinriki Sigurðssyni
Hinrik Sigurðsson er reiðkennari frá Háskólanum á Hólum og þjálfari í hestamennsku og hefur starfað sem reiðkennari og tamningamaður víða um heim í  yfir 20 ár. Hann hefur verið virkur keppnis- og sýningarknapi og unnið fjölda titla í íþróttinni í gegnum árin.

Hann býður upp á 6 vikna námskeið sem byggist upp á 40 mínútna reiðtímum einu sinni í viku. Hægt er að velja um einkatíma eða tíma þar sem tveir knapar eru saman (paratímar). Tímarnir eru sniðnir að þörfum hvers og eins.
Námskeiðið fer fram á þriðjudögum frá 18. janúar til og með 22. febrúar frá kl. 17:00 og fram eftir kvöldi.

Verð fyrir námskeiðið er kr. 48.000 (deilist á tvo þegar um paratíma er að ræða).

Skráning er opin í gegnum Sportfeng (www.sportfengur.com) og geta Sótafélagar skráð sig. Athugið að þeir sem kjósa að vera í paratíma para sig sjálfir saman og ganga frá skráningu á nafni annars aðilans. Gott væri að fá sendar upplýsingar um þá sem ætla að vera saman í tíma á netfangið [email protected].