Metþátttaka í vel heppnaðri Sóta ferð

 27 vaskir Sóta félagar tóku þátt í Sumarferð ferða og skemmtinefndar Sóta um helgina og skemmtu sér konunglega.  Ferðin hófst á pizzuveislu i félagshúsinu en síðan var hrossum raðað í 5 hestakerrur og brunað austur til Geysis-Hesta á Kjóastöðum þar sem gist var næstu 2 nætur.   Á föstudagskvöldið æfðum víð Sóta lagið sem samið var af Gulla (hæjarahottara) ásamt fleiri skemmtilegum lögum,   Á meðan nutu hrossin lífsins saman úti haga. 

Eftir morgunverð á laugardag voru hrossin sótt, lagt á og síðan brunað af stað með Hjalta fararstjóra í broddi fylkingar.  Riðið var um Haukadalsskóg og meira að segja framhjá Geysisvæðinu við mikla hrifningu útlendinga sem staddir voru á svæðinu.  Þó að staðið hafi til að skipta hópnum í meira og minna vanir þá stóðu allir knapar sig svo frábærlega vel, þrátt fyrir yfirferðarreið, að þess þurfti ekki. Eftir 20 km reið þá komu allir heilir heim á Kjóastaði þar sem beið nýbökuð kaka og kaffi.  Síðan var gefin frjáls tími fram að kvöldmat , flestir fóru og böðuðu sig í Gömlu lauginni á Flúðum.   Eftir dýrindis kvöldmat að hætti Ásu og Hjalta botnuðum við fyrriparta, spreyttum okkur í pöbbkvissi og sungum nokkur lög. 

Á sunnudeginum var riðinn s.k. Kjarnholtshringur á moldargötum ofl.  Á leiðinni þufti að ríða yfir Tungufljót og ákváðu nokkar hetjur í hópnum að prófa að sundríða!  Sumum gekk betur en öðrum og knapar blotnuðu mismikið.....en allir skemmtu sér konunglega!   Eftir að hafa hleypt upp heimtröðina og gengið frá hestum gæddu knapar sér á nýbökuðum vöffum með rjóma áður en lagt var í hann heim  á Álftanes.  Frábærri helgi var lokið og vonandi er þetta bara byrjunin á einhverju meiru - næsta ferð:  Löngufjörur?  

Myndir inná FB grúbbu Sóta / sumarferð Sóta 2021:  (1) Facebook

Nokkrar umsagnir knapa:  
"Það var allt svo passlegt í þessari ferð. Passlega langar dagleiðir á passlegum hraða svo við fengum nógan tíma til að njóta samveru. Eg fékk meira að segja passlega langan sundsprett. Frábær helgi." (Þ.N) 

"Kærar þakkir öll fyrir samveruna um helgina , algjörlega eðalhópur og tíminn alltof fljótur að líða - við mæðgur svífum á skýi eftir ferðina og getum ekki beðið eftir næstu ferð" (Á.H.) 

"Ég er svo ánægður að ég  get rífið úr mér hjartað sjálfur"  (G.J) 

"Þá helgin liðin er,
allir heilir heim þeir skunda,
látið mig vita ef einhver fer,
ég er með og kem með hunda" 
Takk allir, frábær helgi."  (B.J.) 

"