Met-þátttaka á knapamerkjanámskeiði!

Það er sérlega ánægjulegt að segja frá því að núna eru hvorki meira en minna en níu börn/unglingar á knapamerkanámskeiði á vegum Sóta!  Knaparnir eru á aldrinum 12-16 ára og stunda nám á 1.stigi þ.e.a.s. knapamerki 1. 
Þau búa öll á Álftanesi en stunda hestamennsku  ýmist á Álftanesi eða Hafnarfirði.  

Þau sem stunda hestamennskuna í Hafnarfirði vilja endilega fá pláss í húsi á Álftanesi en staðan er  sú að færri komast að sem vilja og það vantar fleiri hesthús á nesið. 

Kennari krakkana er Friðdóra Friðriksdóttir sem er okkur Sóta fólki vel kunn, bæði sem knapamerkjakennari undanfarinna ára og sem dómari á hinum ýmsu mótum.  Hún segir að krakkarnir séu mislangt komin í hestamennsku en öll mjög dugleg og efnileg.  

Þessir krakkar eru: (sjá mynd) frá vinstri:  Vigdís Rán Jónsdóttir, Ella Mey Ólafsdóttir, Hugrún Gyða Þorsteinsdóttir, Tristan Logi Lavender, Sóldís Marja Bergþórsdóttir, Júlía Dögg Kristjánsdóttir og Jessica Ósk Lavender.  Á videoi:  Birta Dís Gunnarsdóttir, Mynd:  Katrin Embla Kristjánsdóttir 

Það eru spennandi tímar framundan hjá Hestamannafélaginu Sóta!