Margar hendur vinna létt verk

Eins og þið hafið sjálfsagt öll tekið eftir þá er þónokkur stafli af timbri á félagssvæði Sóta.  Þetta er timbur sem bæjarfélagið kom með til endurnýjunar á gerðinu okkar.  Sjá frétt á vefnum okka. Nú er vinna að hefjast við að koma gerðinu upp en það mun verða heilklætt eins og hringgerðið svo nú munum við geta æft hestana okkar í skjóli í vetur.  Þetta verður okkar vísir að reiðhöll!

Undirbúningsvinna er þegar hafin og hefur Jörundur verið ráðin verkefnisstjóri. Nú ríður á að allir félagsmenn standi saman svo við getum farið að nota ,,gerðishöllina" strax í byrjun vetrar. Enda kveður svo á í samningi Sóta við bæjarfélagið.

Þetta verður skipulagt þannig að 5 manna teymi mun sjá um undirbúningsvinnu en unnið verður þriðjudaga og miðvikudaga frá kl. 18:30 - 20:30 með hálftíma matarhléi.  Sóti mun skaffa vinnumönnum heitan mat. Það væri frábært er hver félagi geti mætti eitt kvöld svo vinnan lendi ekki öll á fáum höndum.  Svo munum við kalla alla saman þegar við reisum gerðið. Í lokin mun svo öllum, sem hafa unnið við gerðið, verða boðið í mjög spennandi ferð!

Frú formaður mun hringja í alla félagsmenn næstu daga og skipuleggja vaktir (5 menn í verktakavinnu og 2-3 konur sem sjá um kostinn, eða útivinnu) Það væri gott ef þið hugsuðuð ykkur hvaða dagur myndi henta ykkur best.

Vinnudagar:
Þriðjudagur 4. sept - undirbúningur
Miðvikudagur 5. sept - undirstöður
Þriðjudagur 11,sept - undirstöður
Miðvikudagur 12 sept - undirstöður
Þriðjudagur 18. sept - undirstöður og undirbúningur undir reisingu
Miðvikudagur 19.sept - undirbúningur undir reisingu
Laugardagur 22 sept - Reising
Föstudagur 5, okt - Reising
Laugardagur 6 okt. - Skemmtiferð!

Með von um að þið takið vel í þetta útkall - margar hendur vinna létt verk!

Hlakka til að vinna með ykkur!!
Kær kveðja
Frú formaður

---