Jarpir hestar eru fallegir

Sóldís Marja Bergþórsdóttir er ein af fermingarstelpunum sem komu inn eftir að hafa smitast af hestabakteríinu í reiðskólanum.  Hún fékk efnilega hryssu undan Spuna og verður gaman að fylgjast með þeim stöllum vaxa og dafna. 

Sp.  Hvaða hesta verður þú með á húsi í vetur?  
Sv: Ég verð með mína meri Grafík frá Hafnarfirði en svo er ég líka búin að vera á Flaumi hennar mömmu

Sp: Stefnir þú á að fara á námskeið eða sýnikennslur?
Sv: Held að ég sé búin að missa af öllum en annars væri ég til í að fara á námskeið ef ég hef tíma

Sp:  Fórstu í einhverjar hestaferðir í sumar?
Sv: Ég fór í Sóta ferðina á Þingvelli sem var mjög skemmtileg
 
Sp:  En hélstu einhverjum merum, ef já, undir hvaða hest(a)?
Sv: Nei, en ég og mamma erum búnar að vera spá í því að setja Grafík undir einhvern flottan hest, en örugglega ekki núna fljótlega
 
Sp:  Áttu uppáhalds hestalit?
Sv: Ég hef alltaf verið hrifin af sótrauðum eftir að ég fékk Dökkva, en svo hafa jarpir hestar alltaf verið fallegir, gæti líka bara verið að því Grafík og Flaumur eru jörp
 
Sp:  Er eitthvað sérstakt sem þú vilt koma á framfæri?
Sv: Ég er mjög þakklát fyrir að hafa byrjað í hestunum hjá Sóta og kynnst svo æðislegu fólki. Svo er það besta að hafa mömmu með mér núna og fara í ferðir með henni
 
Sp:  Hvern viltu skora á að vera næsti spjallari?
Sv: Ég ætla að skora á Júlíu