Hlustum á hestana okkar

Ásdís sendi boltann yfir á Sæbjörgu sem keypti nýlega hús í hverfinu og ríður mikið út með pabba sínum. 

Sp.  Hvaða hesta ert þú með á húsi í vetur?  
Sv: Ég er með strákana mína 3, litla stóðið mitt. Auðvitað hann Trausti minn, hann er reyndar nýgreindur með spatt svo hann hefur lítið fengið að spóka sig. Síðan er ég með Tón eða nýja jarp, hann kemur mjög sterkur inn og er ég spennt að fylgjast með honum þróast. Yngstur er svo Óskar, gráni, hann hefur núna í vetur aðallega verið fyrir pabba minn en ég hef fengið að grípa í hann inn á milli og hann er að þroskast mjög skemmtilega.

Sp: Stefnir þú á að fara á námskeið eða sýnikennslur?
Sv:  Það er aldrei að vita hvað mér dettur í hug! Maður er aldrei búin að læra nóg!
 
Sp:  Eru einhverjar hestaferðir á plani næsta sumar?
Sv:  Ég stefni galvösk á sótaferðina og svo er stefnan tekin með pabba í allavega eina ferð en við sjáum hvað verður.
 
Sp:  En á að halda einhverjum merum, ef já, ertu búin að ákveða undir hvaða hest(a)?
Sv: haha nei, það er ástæða fyrir því að ég á bara geldinga, þá er ekki hægt að freistast 😉
 
Sp:  Áttu uppáhalds hestalit?
Sv:  Ég hef verið veik fyrir öllum útgáfum af litföróttu eftir að ég eignaðist Traust minn en að öðru leyti er ég mjög hrifin af svarbrúnu stjörnóttu. Ég er samt augljóslega að hallast að jörpu miðað við stóðið mitt.
 
Sp:  Er eitthvað sérstakt sem þú vilt koma á framfæri?
Sv: hlustum á hestana okkar, það er aldrei að vita hvað þeir eru að reyna að segja okkur
 
Sp:  Hvern viltu skora á að vera næsti spjallari?
Sv: ætli ég skori ekki á nágranna minn, Sigurjón