Hestamennskan á fyrst og fremst að vera skemmtileg

Ari skoraði síðast á Lóu sem svaraði spurningunum fljótt og samviskusamlega.

Sp.  Hvað verður þú með á húsi í vetur? Hvaða hesta?
Sv:  Núna er ég bara með Breka gamla inni en ég mun örugglega skipta honum út fyrir annan hest í apríl.

Einnig er ég að þjálfa 5 vetra hest hjá Ara sem heitir Vökull frá Vatni. Það gengur bara vel og hann á eftir að vera góður reiðhestur næsta vetur.
 
Sp: Stefnir þú á að fara á námskeið eða sýnikennslur?
Sv:  Ég tók tvo tíma hjá Atla með hann Vökul og hver veit nema maður haldi áfram. Það er alltaf hægt að læra.  Ég hef ekki farið á neina sýnikennslu ennþá en mun örugglega enda með Því að fara á nokkrar. Held að Súsanna Sand sé með sýnikennslu á fimmtudaginn, kannski að maður skelli sér á hana.
 
Sp:  Eru einhverjar hestaferðir á plani næsta sumar?
Sv: Sumarið er pakkfullt af hestaferðum, enda er það skemmilegasta sem ég geri. Það verður nóg að gera að þjálfa hestana upp fyrir sumarið þegar líður á vorið. 
 
Sp:  En á að halda einhverjum merum, ef já, ertu búin að ákveða undir hvaða hest(a)?
Sv: Ekkert planað ennþá. Ég á 3 vetra tryppi sem ég byrja mögulega að þjálfa næsta vetur, síðan er aldrei að vita hvort maður haldi eitthvað meira undir Klassík ef maður finnur rétta hestinn. 
 
Sp:  Áttu uppáhalds hestalit?
Sv: Ég hef alltaf verið hrifinn af leirljósu eins og margir aðrir en síðan finnst mér Dreyrauður rosa fallegur litur. 
 
Sp:  Er eitthvað sérstakt sem þú vilt koma á framfæri?
Sv:  Hestamennskan á fyrst og fremst að vera skemmtileg. Það jafnast ekkert á við góðan reiðtúr í góðum félagsskap. 
 
Sp:  Hvern viltu skora á að vera næsti spjallari?
Sv: Ég ætla að skora á Hildi