,,Fótaburður og fas"

Steinunn skoraði síðast á Jón en hann gaf boltann beint á Einar Þór sem svaraði spurningunum fljótt og samviskusamlega.  Einar Þór rekur reiðskólann á Álftanesi og er mikill hrossaræktandi

Sp.  Hvaða hesta verður þú með á húsi í vetur?  

Sv:  Ég verð með 3 hross í vetur öll 3. vetra á fjórða . Stóðhestur rauðskjôttur undan Herkúles frá Ragnheiðarstöðum og Drottningu minni(1verðlauna klár hryssa með 8.25 í aðaleinkunn) mjög efnilegur foli.  Svo verð ég með rauðan fola undan Safír frá Mosfellsbæ og Urði (hryssa með 8.30 undan Sólon Skáney) Það er fótaburður og fas á þessum fola. Og að lokum verður glóbrún hryssa undan heimsmeistaranum Gljátoppi og Gyðju (undan Geisla Sælukoti). Vona að þessi hryssa fái töltið frá pabba sínum

Sp: Stefnir þú á að fara á námskeið eða sýnikennslur?
Sv: Fer á eithvað sjáum hvað verður í boði
 
Sp:  Fórstu í einhverjar hestaferðir í sumar?
Sv:  Fór í geggjaða ferð í sumar Fjallabaki 5 daga með vinum
 
Sp:  En hélstu einhverjum merum, ef já, undir hvaða hest(a)?
Sv:  Fór með tvær merar í sumar undir hesta:  

• Urður fór til Steinn frá Stighúsum
• Gyðja fór til Hafsteins frá vakurstöðum

Sp:  Áttu uppáhalds hestalit?
Sv:  Grár er alltaf í uppáhaldi
 
Sp:  Er eitthvað sérstakt sem þú vilt koma á framfæri?
Sv:  Áfram Sóti við erum lítið félag með frábæru fólki.
 
Sp:  Hvern viltu skora á að vera næsti spjallari?
Sv:  Skora á Assa