FEIT YOUTH CUP

Dagana 7.- 15. júlí í sumar verður haldið YOUTH CUP í Verden í Þýskalandi. Sjá nánar á
heimasíðu mótsins á www.feifyouthcup2012.de

Ísland sendir 8 fulltrúa á mótið og er hér með óskað eftir að æskulýðsfulltrúar
hestamannafélaganna komi meðfylgjandi auglýsingu og þessum upplýsingum áfram til
áhugasamra unglinga á aldrinum 14-17 ára.

Skila þarf inn umsókn til Landssambands hestamannafélaga til og með 1. apríl hvort heldur
sem er á tölvupósti: lh@isi.is – símbréfi 514 4031 – eða bréfleiðis til okkar að Engjavegi 6,
104 Reykjavík.

Það sem þarf að koma fram í umsókninni er nafn knapa, heimilisfang, símanúmer, mynd
og aldur ásamt upplýsingum um hestamannafélag og keppnisreynslu. Einnig þarf að koma
fram enskukunnátta og svo þurfa 2 meðmælendur að skrifa nokkrar línur um viðkomandi.
Meðmælendurnir mega ekki vera foreldrar umsækjanda. Með í för verður fararstjóri og
liðsstjóri úr æskulýðsnefnd Landssambandsins.

Kostnaður vegna þátttöku í mótinu er 640 evrur auk kostnaðar við kaup á flugmiða. Innifalið
í kostnaðinum er gisting, fæði, kennsla, hesthúspláss og skráningargjöld fyrir keppendur.
Aukagreiðslur eru hugsanlega fyrir flutning á hrossi á mótsstað, leiga á reiðtygjum og
dýralækniskostnaður.

Þátttakaendur geta fengið leigða hesta af mótshöldurum eða mega útvega þá sjálfir. LH er
í sambandi við aðila í Þýskalandi sem gætu hugsanlega útvegað hesta. Athugið að þetta er
alþjóðlegt mót og allir hestar þurfa að vera bólusettir samkvæmt reglum FEIF. Upplýsingar
um það er hægt að sjá á heimasíðu samtakanna, www.feif.org Ef umsækjandi hefur aðgang
að hesti vinsamlega látið það koma fram í umsókninni.

Mótið fer þannig fram að á fyrsta degi (laugardegi) er þátttakendum skipt í alþjóðleg lið og
er einn liðsstjóri með hverju liði. Fyrstu 3 dagana (sunnudag - þriðjudag) eru þau í þjálfun
og undirbúningi fyrir keppnina og er keppt eftir sérstökum Youth Cup reglum. Síðan hvíla
knapar og hestar einn dag (miðvikudag) og er þá hópnum boðið í einhvers konar skemmtiferð.
Síðustu 3 dagana (fimmtudag - laugardag) fer síðan keppnin fram. Er þá bæði keppt í liða-
og einstaklingskeppni. Foreldrum og öðrum gestum er ekki leyft að vera á mótstað fyrr en
keppnin hefst á fimmtudeginum.

Hugmyndin með alþjóðlegu liðunum er að þar fái krakkarnir tækifæri til að kynnast
krökkum frá öðrum löndum, þar eignast þau oft vini til lífstíðar og einnig að æfa
tungumálakunnáttuna.

Með bestu kveðju,
f.h. æskulýðsnefndar LH
Helga B. Helgadóttir, formaður