Duttum inn í hestamennskuna

Gulli skoraði síðast á leigjanda sinn.  Ásdís kom af krafti í félagið fyrir nokkrum árum og hefur drifið alla fjölskylduna með.  Þó að Carsten fari ekki á bak þá er hann öflugur Sóta félagi.

Sp.  Hvað hesta ert þú með á húsi í vetur?
Sv: Við ætluðum okkur ekkert að detta svona í hestamennskuna fyrir 3 árum þegar við fengum eitt pláss hjá Gulla og Jöri formaður aðstoðaði við að koma hestinum á hús en það vatt hratt upp á sig og allt í einu var Gulli kominn með heila fjölskyldu inn á sig.

 Við mæðgur verðum með okkar 3 hesta Gimla frá Lágmúla, Hergil frá Höfnum en hann og yngsta dóttirin Elín Freyja eru miklir vinir og svo uppátækjasama merin hennar Helenu - Fríða frá Kópavogi

Sp: Stefnir þú á að fara á námskeið eða sýnikennslur?
Sv:  við erum alltaf á einhverjum námskeiðum enda hægt að læra svo lengi sem maður lifir. Mætti segja að við séum í áskrift hjá Atla Guðmunds, Elin Freyja er að ná góðum tökum á Hergil hjá Sigrúnu og gott betur en það, fórum á sýnikennslu hjá Röggu Haralds, svo er námskeiðið að vinna í hendi hjá Hrafnhildi Helgu reiðkennara á döfinni
 
Sp:  Eru einhverjar hestaferðir á plani næsta sumar?
Sv: vonumst til að ná einhverjum upphitunarferðum fyrir Sótaferðina vinsælu og vonandi eitthvað fleira í sumar
 
Sp:  En á að halda einhverjum merum, ef já, ertu búin að ákveða undir hvaða hest(a)?
Sv: sko við höfum djókað með hana Fríðu okkar þegar hún er með vesen að hún fari í sveit og framhaldssagan Fríða fer í fæðingarorlof en nei ekkert svoleiðis á plani næstu árin
 
Sp:  Áttu uppáhalds hestalit?
Sv:  veik fyrir hrafnsvörtum og jörpum hestum
 
Sp:  Er eitthvað sérstakt sem þú vilt koma á framfæri?
Sv: Skemmtileg núvitund þessi reiðmennska , samveran með dætrum toppurinn á tilverunni og ekki má gleyma eðal Sótafélögum sem alltaf eru til í að aðstoða eða gefa góð ráð
 
Sp:  Hvern viltu skora á að vera næsti spjallari?
Sv: Ég hendi boltanum yfir til Sæbjargar