Aðeins 3 dagar í kynjareið!

Nú eru aðeins þrír dagar í hina æsispennandi kynjareið og þá er ekki seinna vænna en að fara að skrá sig.

Mæting í stóra gerðinu okkar kl. 18:00, þriðjudaginn 16 júní. Þar verður sagt frá nánari tilhögun reiðarinnar en riðið verður innann Álftaness og það er alveg nóg að vera einhesta (eða bara eins og fólk vill) Reiðin sjálf verður ekki löng. Kvöldið mun einkennast af:

- Kvennareið 
- Karlareið 
- Hópreið 
- Sundreið (þeir sem vilja) 
- Stóðhestareið 
- Skemmtun og söng 
- Strandblak 
- kvöldverður og léttar veitingar

Vegna innkaupa þurfum við að vita hvað margir ætla að koma í þessa skemmtilegu reið. Það kostar 1.500.- per mann og er grillaður kvöldverður og léttar veitingar meðan á reiðinni stendur innifalið í því verði. Drykkjarföng með mat og eftir reið verða knapar að koma með sjálfir. Mælum með að hafa handklæði og aukaföt tiltæk fyrir þá sem vilja prófa að sundríða.

Allir velkomnir!

Vinsamlega skráið ykkur í síðasta lagi á mánudaginn 15 júní t.d. á Facebook, í tölvupósti sem var sendur til ykkar, senda sms á 898-8903 eða hvernig sem hentar. Athugið að engin skráning - engin kynjareið. (þ.e.a.s. ef enginn skráir sig, þá dettur þessi reið niður)

Hlökkum til að sjá ykkur hress og kát, Það er skilyrði að hafa góða skapið með í þessari reið!

Kveðja 
Ferða- og skemmtinefnd